پاکستان کی رئیل اسٹیٹ انڈسٹری کے ٹائیکون بحریہ ٹاؤن کی دبئی میں بڑی سرمایہ کاری،، دبئی ساؤتھ کے گالف ڈسٹرکٹ میں ایک بڑا تعمیراتی اور کمرشل ڈسٹرکٹ تعمیر کرنے کا معاہدہ طے پا گیا،، یہ معاہدہ دبئی ایوی ایشن سٹی کارپوریشن اور بحریہ ٹاؤن پرائیویٹ لمیٹڈ کے درمیان طے پایا،۔،،
ایک تاریخی پیش رفت میں پاکستان کی رئیل اسٹیٹ انڈسٹری نے ایک نئے دور میں قدم رکھا جب بحریہ ٹاؤن (پرائیویٹ) لمیٹڈ نے دبئی میں ایک بڑا بین الاقوامی منصوبہ شروع کرنے اعلان کیا
معاہدے کے تحت بی ٹی پراپرٹیز اور دبئی ساؤتھ کے درمیان دبئی میں ایک معاہدے پر دستخط ہوئے
دبئی ساؤتھ کے گالف ڈسٹرکٹ میں تعمیراتی و کمرشل ڈسٹرکٹ تعمیر کیا جائے گا
یہ معاہدہ دبئی ایوی ایشن سٹی کارپوریشن اور دبئی ساؤتھ کے ایگزیکٹو چیئرمین خلیفہ الزفین اور بحریہ ٹاؤن کے سی ای او احمد علی ریاض ملک کے درمیان ہوا۔ اس موقع پر دبئی ساؤتھ پراپرٹیز کے سی ای او نبیل الکِندی، بحریہ ٹاؤن کے بانی اور چیئرمین ملک ریاض حسین، اور دونوں اداروں کے دیگر اعلیٰ حکام بھی موجود تھے۔
یاد رہے دبئی ساؤتھ امارات کا سب سے بڑا ماسٹر پلانڈ شہری منصوبہ ہے، جو رہائشی کمیونٹیز پر مشتمل ہے۔
یہ علاقہ المکتوم انٹرنیشنل ایئرپورٹ سے منسلک ہے جہاں پر دنیا کے سب سے بڑے ائیر پورٹ کی تعمیر جاری ہے
بی ٹی پراپرٹیز کے اس وسیع وعریض عظیم الشان منصوبے میں ولاز، ٹاؤن ہاؤسز، اپارٹمنٹس، تعلیمی سہولیات، اسپتال، کمرشل اسپیس، مساجد، اور تفریحی مقامات شامل ہوں گے۔
اس کے علاوہ اس میں ہریالی، پانی کی نہریں، ایک مرکزی پارک، ڈانسنگ فاؤنٹینز، یادگار تعمیرات، کشادہ شاہراہیں اور دیگر پرکشش خصوصیات شامل ہوں گی،
معاہدے پر تبصرہ کرتے ہوئے دبئی ساؤتھ کے ایگریکیٹیو چئیرمین خلیفہ الزفین نے کہا، “ہم ایشیا کے ایک بڑے ڈویلپر کے ساتھ اس معاہدے پر دستخط کرنے پر بہت خوش ہیں دبئی ساؤتھ مستقبل کا شہر بننے کے لیے تیار ہے، اور اس علاقے میں جائیدادوں کی بڑھتی ہوئی طلب اس کی بے پناہ صلاحیت کو ظاہر کرتی ہے۔
بحریہ ٹاؤن کے چیئرمین ملک ریاض حسین نے معاہدے پر دستخط کرنے کی تقریب کے دوران کہا، “دبئی کی تیز رفتار ترقی اور عالمی شہرت کے پیش نظر، یہ پراجیکٹ ہمارے بین الاقوامی توسیعی منصوبوں کے لیے ایک اہم مارکیٹ ہے۔ ہم دبئی ساؤتھ کے ساتھ مل کر ایک ایسا ماسٹر پروجیکٹ لانچ کرنے پر خوش ہیں جو جدید اور ترقی پسند کمیونٹی کے تصور کو زندہ حقیقت میں بدلے گا” یہ عظیم الشان منصوبہ بحریہ ٹاؤن کی جدت اور اعلیٰ معیار کی ساکھ کو نہ صرف مزید اجاگر کرے گا بلکہ پاکستانی رئیل اسٹیٹ ڈویلپرز کو ایک نئی بین الاقوامی ساکھ فراہم کرے گا
