اسرائیلی سیکیورٹی فورسز نے یروشلم کے ایک 23 سالہ رہائشی کو ایرانی انٹیلی جنس کے ساتھ تعلقات کے الزام میں گرفتار کر لیا ہے۔ مشتبہ شخص پر رقم کے عوض اسرائیلی اہداف پر حملہ کرنے کی سازش کا الزام عائد کیا گیا ہے۔شن بیٹ سیکیورٹی سروس اور اسرائیلی پولیس کی مشترکہ تفتیش کے مطابق، مشتبہ شخص نے اکتوبر سے ایک ایرانی ایجنٹ "جان” کے ساتھ روابط قائم کیے۔
مشتبہ نے ایرانی ہینڈلرز کو یروشلم کے پاور نیٹ ورک کی ویڈیوز بھیجیں تاکہ لائٹ ریل سسٹم کی بجلی بند کرنے کا منصوبہ بنایا جا سکے۔مزید تحقیقات میں یہ بھی سامنے آیا کہ اس نے آتشیں اسلحہ، سائلنسر اور دھماکہ خیز مواد تیار کرنے کے طریقوں کی آن لائن تلاش کی، جنہیں مبینہ طور پر حملے میں استعمال کیا جانا تھا۔مشتبہ شخص کو نومبر میں گرفتار کیا گیا تھا اور وہ اس وقت حراست میں ہے۔ اسرائیلی حکام نے بتایا کہ اس کے خلاف فرد جرم جلد عائد کی جائے گی۔
About The Author
