سعودی عرب میں منشیات کی اسمگلنگ کے الزام میں چھ ایرانی شہریوں کو سر قلم کر دیا گیا، جس پر ایران نے شدید احتجاج کیا ہے۔ دمام شہر میں چرس کی اسمگلنگ کے جرم میں ان افراد کو سزا دی گئی، جسے سعودی وزارت داخلہ نے قانون کے مطابق قرار دیا۔
ایران کی وزارت خارجہ نے اس اقدام پر گہری تشویش کا اظہار کرتے ہوئے سعودی حکام پر بین الاقوامی قوانین کی خلاف ورزی کا الزام عائد کیا۔ایران کا کہنا ہے کہ پھانسی سے قبل سفارتخانے کو کوئی اطلاع نہیں دی گئی، جو قونصلر کنونشنز کی خلاف ورزی ہے۔ایرانی وزارت خارجہ نے دعویٰ کیا کہ مجرموں کے لیے معافی کی کوششیں کی گئیں لیکن انہیں نظرانداز کر دیا گیا۔
سعودی حکام نے پھانسیوں کی تصدیق کرتے ہوئے کہا کہ یہ فیصلہ عدالت کے سخت اصولوں کے تحت کیا گیا۔ انہوں نے مزید تبصرے سے گریز کیا۔
یہ اقدام پہلے سے نازک سعودی-ایران تعلقات میں مزید تناؤ پیدا کر سکتا ہے۔ ایران نے اس معاملے کو بین الاقوامی سطح پر اٹھانے کی دھمکی دی ہے۔
About The Author
