نو منتخب صدر ڈونلڈ ٹرمپ نے امریکی کوسٹ گارڈ کی تاریخ کی پہلی خاتون کمانڈنٹ، ایڈمرل لنڈا فیگن کو عہدے سے برطرف کر دیا۔ یہ فیصلہ ٹرمپ انتظامیہ کی جانب سے وفاقی قیادت میں وسیع پیمانے پر تبدیلی کی مہم کا حصہ ہے۔ٹرمپ انتظامیہ کے مطابق، لنڈا فیگن کو "قیادت کی کمی، آپریشنل ناکامیوں، اور اسٹریٹجک مقاصد کو حاصل کرنے میں ناکامی” کے باعث ہٹایا گیا۔ان کے DEI (تنوع، مساوات، شمولیت) پالیسیوں پر زور کو بھی تنقید کا نشانہ بنایا گیا، جو نئی انتظامیہ کی پالیسیوں کے خلاف سمجھا جا رہا ہے۔
یہ برطرفی، ٹرمپ کی وفاقی حکومت کی قیادت کو ازسر نو ترتیب دینے کی مہم کا حصہ ہے۔ان کی ٹیم نے پہلے ہی پچھلی انتظامیہ کے 1,000 سے زیادہ صدارتی تقرریوں کا جائزہ لینا شروع کر دیا ہے، جس سے مزید برطرفیوں کے امکانات ظاہر ہو رہے ہیں۔
ٹرمپ کے حامیوں کا کہنا ہے کہ یہ اقدام "فوجی تیاری کو بحال کرنے” کے لیے ضروری ہے۔ان کے نزدیک، یہ فیصلہ امریکی مسلح افواج میں غیر ضروری نظریاتی پالیسیوں کو ختم کرنے کی کوشش ہے۔
About The Author
