پاکستان سپرلیگ کے دسویں ایڈیشن کی افتتاحی تقریب کل رات راولپنڈی کے کرکٹ اسٹیڈیم میں ہو گی۔۔ نامور گلوکار عابدہ پروین، علی ظفر، ابرارالحق، نتاشہ بیگ، ینگ اسٹنرز پرفارم کریں گے۔
کل ہی اسلام آباد یونائیٹڈ اور لاہور قلندرز کا افتتاحی میچ بھی ہو گا۔۔ ٹورنامنٹ میں مجموعی طور پر 6 ٹمیوں کے درمیان 4 شہروں کراچی، لاہور، ملتان اور راولپنڈی میں 34 میچز ہوں گے
میچ آفیشلز:
پی ایس ایل کے میچ آفیشلز کا اعلان کردیا گیا جس میں انٹرنیشنل کرکٹ کونسل (آئی سی سی) ایلیٹ پینل کے امپائرز بھی شامل ہیں۔
آئی سی سی کے ایلیٹ پینل میں شامل احسن رضا، پال رائفل اور کمار دھرما سینا امپائرز پینل میں شامل ہیں جب کہ الیکس واف اور کرس براؤن بھی امپائرز پینل کا حصہ ہوں گے۔
پاکستان سے علیم ڈار، آصف یعقوب، فیصل خان آفریدی، راشد ریاض وقار کو بھی امپائرنگ پینل میں شامل کیا گیا ہے۔
پی سی بی ایلیٹ پینل آف امپائرز عبدالمقیت، ناصر حسین، طارق رشید اور ذوالفقار جان بھی ایچ بی ایل پی ایس ایل کے اس ایڈیشن میں امپائرنگ کریں گے۔
میچ ریفریز میں آئی سی سی ایلیٹ پینل آف میچ ریفری رنجن مدوگالے اپنے ساتھی سری لنکن روشن مہاناما کے ساتھ میچوں کی نگرانی کریں گے جب کہ دیگر میچ ریفریز میں علی نقوی اور محمد جاوید ملک شامل ہیں۔
اس سے قبل، پی سی بی نے پاکستان سپر لیگ کے لیے کمنٹری پینل کا اعلان کیا تھا، کمنٹری پینل میں دنیائے کرکٹ کے بڑے نام شامل کیے گئے ہیں۔
پی سی بی نے پی ایس ایل کے کمنٹری پینل میں پہلی مرتبہ الیسٹر کک اور مارٹن گپٹل کو شامل کیا ہے، جے پی ڈومینی، مائیک ہیزمین، ڈومینک کورک اور مارک نکولس بھی کمنٹری پینل کا حصہ ہیں۔
پاکستانی کرکٹ لیجنڈز وسیم اکرم، رمیز راجا، وقار یونس اور دیگر کمنٹیٹرز میں شامل ہیں جبکہ اردو کمینٹری پینل میں بھی 5 کمنٹیٹرز شامل ہیں جبکہ زینب عباس اور ایرین ہالینڈ پریزینٹرز کی ذمے داریاں نبھائیں گی۔
