پاور سیکٹر کیلئے گیس ٹیرف میں اضافے سے یکم جولائی سے بجلی کے ٹیرف میں ایک روپے فی یونٹ اضافہ ہوگا۔۔
بجلی بلوں کی ریکوری نہ بڑھی تو گردشی قرض کی ادائیگی کیلئے سرچارج بھی بڑھ سکتا ہے۔۔ نیپرا فیول ایڈجسٹمنٹ سماعت میں سینٹرل پاور پرچیزنگ ایجنسی نے خبردار کردیا ۔۔ ماہانہ فیول ایڈجسٹمنٹ کی مد میں دس پیسے فی یونٹ اضافے پر فیصلہ محفوظ کر لیا گیا
حکومتی ڈسکوز کیلئے بجلی کی قیمتوں میں ایک ماہ کیلئے 10 پیسے اضافےکی سی پی پی اے کی درخواست پر نیپرا میں سماعت مکمل ہوگئی
سی پی پی اے نے مئی کیلئے دس پیسے اضافے کی درخواست کی تھی اضافے کی صورت میں صارفین پر ایک ارب 25 کروڑ روپے کا اضافی بوجھ پڑے گا ۔۔مئی میں ریفرنس فیول پرائس 7روپے 39پیسے مقرر تھی اپریل میں ریفرنس فیول پرائس 7روپے 49پیسے رہی ھے۔ اتھارٹی ڈیٹا کی جانچ پڑتال کے بعد فیصلہ کرے گی۔۔
سی پی پی اے حکام نے دوران سماعت ایک سوال کے جواب میں بتایا کہ پاور سیکٹر کیلئے گیس ٹیرف میں اضافے سے بجلی ایک روپے فی یونٹ مہنگی ہوگی۔۔ سی پی پی اے حکام نے کہا اگر بجلی بلوں کی ریکوری نہ بڑھی تو گردشی قرض کی ادائیگی کیلئے مستقبل میں سرچارج میں اضافہ ہو سکتا ہے۔۔ اس وقت گردشی قرض پر سود کی ادائیگی کیلئے صارفین 3روپے 23پسے فی یونٹ ادا کرتے ہیں قرض پر سود کی ادائیگی کیلئے صارفین سالانہ 323ارب روپے ادا کرتے ہیں۔
