*چچا مسجد سے نماز پڑھ کر باہر نکالا تو باہر بھتیجا بھیک مانگ ریا تھا* *
کراچی کے علاقے شاہ لطیف ٹاؤن سے اغوا ہونے والے بچے کو بھیک مانگتے دیکھ کر اہل خانہ نے پہچان لیا۔۔مبینہ اغوا کار گرفتار کر لیا گیا ۔۔۔
شاہ لطیف ٹاؤن میں ایک دلخراش واقعے نے سب کو ہلا کر رکھ دیا، جہاں تقریباً ڈھائی ماہ قبل اغوا ہونے والا معصوم بچہ حسین علی بھیک مانگتے ہوئے بازیاب ہو گیا۔ پولیس نے بروقت کارروائی کرتے ہوئے مبینہ اغوا کار کو گرفتار کرلیا۔
تفصیلات کے مطابق، 5 مئی 2025 کو شاہ لطیف ٹاؤن سیکٹر 17-A سے 3 سالہ حسین علی کو اغوا کرلیا گیا تھا۔ بچے کے ورثاء کی جانب سے تھانہ شاہ لطیف ٹاؤن میں مقدمہ نمبر 731/25 بجرم دفعہ 363 کے تحت اغوا کی ایف آئی آر درج کرائی گئی تھی۔
کل رات نماز عشاء کے بعد انوکھا واقعہ اس وقت پیش آیا جب مغوی بچے کا چچا نماز کی ادائیگی کے لیے سیکٹر 16-A میں واقع فاروق اعظم مسجد پہنچا۔ مسجد کے گیٹ پر اس کی نظر ایک بھیک مانگتے بچے پر پڑی، جو حیرت انگیز طور پر حسین علی نکلا۔
بچے کے ساتھ موجود مشکوک شخص کو اہل علاقہ نے فوری طور پر دبوچ لیا اور پولیس کے حوالے کردیا۔
گرفتار ملزم کی شناخت شہریار ولد مشتاق حسین کے نام سے ہوئی ہے۔ ابتدائی تفتیش کے دوران شہریار نے انکشاف کیا کہ حسین علی کو اس کے سسر سلطان نے دیا تھا اور وہ اس سے بھیک منگوا رہا تھا۔
پولیس نے ملزم کو تھانہ شاہ لطیف ٹاؤن منتقل کرکے مزید تفتیش شروع کردی ہے جبکہ بچے کو اسکے والدین کے حوالے کردیا گیا
ذرائع کے مطابق پولیس اغوا کے پس منظر اور دیگر ممکنہ ملوث افراد کے حوالے سے بھی چھان بین کر رہی ہے۔ پولیس حکام کا کہنا ہے کہ معاملے کی گہرائی سے تفتیش کی جا رہی ہے اور اس گھناؤنے عمل میں ملوث ہر شخص کو قانون کے کٹہرے میں لایا جائے گا
