خیبرپختونخوا کی حکومت نے عوام سے اپیل کی ہے کہ جب تک موسم معمول پر نہیں آتا اس وقت تک صوبے کے سیاحتی مقامات کی سیر کو نہ آئیں۔۔ صوبائی حکومت نے سیاحوں کیلئے ٹورازم ایڈوائزری جاری کر دی۔۔
محکمہ سیاحت خیبر پختونخوا کا کہنا ہے کہ سیاحتی علاقوں میں 21 سے 29 جولائی تک فلیش فلڈز کا خدشہ ہے۔۔۔ سیاحوں کو ہدایت کی ہے وہ غیرضروری سفر نہ کریں اور سیاحتی مقامات پر جانے سے پہلے 1422 پر کال کریں۔
سیکرٹری سیاحت ڈاکٹرعبدالصمد نے کہا کہ سیاح خطرناک علاقوں کا غیرضروری سفر اور دریاؤں کے کنارے جانے سے بھی گریز کریں۔۔
گزشتہ روز بھی کاغان ڈیولپمنٹ اتھارٹی نے 500 سے زیادہ سیاحوں کو ریسکیو کیا، جھیل سیف الملوک روڈ پر کلاؤڈ برسٹ سے تودہ گرنے سے سڑک بند ہوگئی تھی۔
