کس ملک میں کتنے پاکستانی قید ہیں؟تفصیلات قومی اسمبلی میں پیش

کس ملک میں کتنے پاکستانی قید ہیں ؟ تفصیلات قومی اسمبلی میں پیش کردی گئیں۔۔

وزارت خارجہ نے قومی اسمبلی کو بتایا کہ مشرق وسطیٰ اور جنوب مشرقی ایشیاء کے ممالک میں 15 ہزار 953 پاکستانی قید ہیں۔۔

تین ممالک کے ساتھ ملزمان کی حوالگی کا معاہدہ ہونے کے باوجود وہاں پاکستانی قیدیوں کی تعداد 13 ہزار 852 ہے ۔۔

ملزمان کی حوالگی کے معاہدہ کے باوجود سب سے زیادہ 10 ہزار 279 پاکستانی شہری سعودی عرب میں قید ہیں۔۔ متحدہ عرب امارات میں 3523 اور کویت میں 50 پاکستانی قیدی ہیں۔۔

2100 پاکستان ان 14 ممالک میں قید ہیں جن کے ساتھ ملزمان کی حوالگی کا معاہدہ نہیں ہے۔۔

وزارت خارجہ کے مطابق عراق میں 81, اردن میں 8 , مصر میں 12، بحرین میں 581، عمان میں 252 اور قطر میں 599، آسٹریلیا میں 27 , جنوبی کوریا 7 اور جاپان کی جیلوں میں 16 پاکستانی قید ہیں۔۔

ملائیشیا میں 459 تھائی لینڈ 35 اور کمبوڈیا میں 22 ، فلپائن اور ویتنام میں ایک ایک پاکستانی قید ہے۔۔

وزارت خارجہ کے مطابق پاکستان اور سعودی عرب نے قیدیوں کی وطن واپسی کے ایک معاہدہ پر دستخط کئے ہیں ۔۔ اس معاہدے کے تحت 16 مجرم اپنی باقی سزا پاکستان میں کاٹ سکیں گے ۔۔۔ پاکستانی سفارتخانہ قیدیوں کی وطن واپسی کے لیے سعودی عدالتی اداروں کے ساتھ قریبی رابطہ میں ہے۔۔ اب تک اس معاہدہ کے تحت 27 پاکستانی قیدیوں کو سعودی عرب سے واپس بھیجا جا چکا

وزارت خارجہ نے بتایا کہ مختلف سعودی جیلوں میں بند 735 قیدیوں کے انٹرویو کے بعد ان کے کیسز کو معاہدہ کے تحت پراسس کیا جارہا ہے۔۔