ایشیا کپ میں سپر فور مرحلے کے آخری میچ میں دلچسپ مقابلے کے بعد بھارت نے سری لنکا کو ہرادیا۔
دبئی میں کھیلے جارہے سپر 4 مرحلے کے آخری میچ میں سری لنکن ٹیم سپر اوور میں 2 وکٹوں پر2 رنز بناسکی۔ بھارت نے سپر اوور میں 3 رنز کا ہدف حاصل کیا۔
اس سے قبل بھارت نے پہلے کھیلتے ہوئے مقررہ 20 اوورز میں 5 وکٹوں پر 202رنز بنائے۔ جواب میں سری لنکا نے بھی 5 وکٹ پر 202 رنز بنائے۔
بھارت کی جانب سے ابھیشیک شرما نے 61، تلک ورما نے 49رنز کی ناقابل شکست اننگز کھیلی۔سنجو سیمسن نے 39 اور اکشر پٹیل نے 21 رنز اسکور کیے۔
سری لنکا نے بھارت کے202 رنز کے جواب میں پاتھن نسنکا کی شاندار سنچری کی بدولت مقررہ اوورز میں 202 رنز ہی بنائے اور میچ ٹائی ہوگیا تھا۔
