جنوبی افریقہ کیخلاف سیریز کےلیے پاکستان ٹیسٹ اسکواڈ کو مختصر کر دیا گیا۔
ذرائع کے مطابق پاکستان ٹیسٹ ٹیم کے کھلاڑیوں کی تعداد18 سے 16 کردی گئی، عامر جمال اور فیصل اکرم کو اسکواڈ سے ریلیز کردیا گیا۔
واضح رہے کہ قومی سلیکشن کمیٹی نے جنوبی افریقہ کے خلاف ہوم سیریز کے لیے 18 رکنی ٹیسٹ اسکواڈ کا اعلان کیا تھا، شان مسعود ٹیم کی قیادت جاری رکھیں گے جب کہ 3 نئے کھلاڑیوں آصف آفریدی، فیصل اکرم اور روحیل نذیر کو اسکواڈ میں شامل کیا گیا تاہم اب فیصل اکرم اور عامر جمال کو اسکواڈ سے ریلیز کردیا گیا۔
ٹیسٹ اسکواڈ میں بابر اعظم، محمد رضوان، شاہین شاہ آفریدی، عبداللہ شفیق، امام الحق، سلمان علی آغا اور سعود شکیل شامل ہیں۔ حسن علی، خرّم شہزاد، نعمان علی، ساجد خان، کامران غلام اور ابرار احمد بھی اسکواڈ میں شامل ہیں۔
پاکستان اور جنوبی افریقہ کے درمیان پہلا ٹیسٹ 12 سے 16 اکتوبر کو لاہور میں کھیلا جائے گا جبکہ دوسرا ٹیسٹ 20 سے 24 اکتوبر راولپنڈی میں کھیلا جائے گا۔
