بیونس آئرس — ارجنٹائن کے دارالحکومت بیونس آئرس کے جنوبی صنعتی زون میں جمعہ کو اچانک ہونے والے دھماکوں اور بڑے پیمانے پر لگنے والی آگ نے علاقے میں خوف و ہراس پھیلا دیا، واقعے میں 22 افراد زخمی ہو گئے جبکہ متعدد فیکٹریاں شدید متاثر ہوئیں۔
مقامی میڈیا کے مطابق دھماکوں کے بعد شدید آگ بھڑک اٹھی جس نے پانچ صنعتی فیکٹریوں کو اپنی لپیٹ میں لے لیا۔
جائے وقوعہ سے اٹھنے والا گھنا سیاہ دھواں قریبی علاقوں میں بھی دکھائی دیتا رہا۔
ایزیزا کے میئر نے بتایا کہ دھماکوں کی آواز کافی فاصلے تک سنی گئی جبکہ آگ نے مختلف صنعتی یونٹس کو شدید نقصان پہنچایا۔
انہوں نے کہا کہ ’’آتش زدگی انتہائی شدید نوعیت کی ہے اور ریسکیو ٹیمیں پوری کوشش کر رہی ہیں کہ آگ کو مزید پھیلنے سے روکا جائے۔‘‘
ابتدائی طور پر دھماکوں کی وجہ معلوم نہیں ہو سکی۔ حکام کا کہنا ہے کہ تحقیقات جاری ہیں جبکہ علاقے میں حفاظتی اقدامات مزید سخت کر دیے گئے ہیں۔
مقامی انتظامیہ نے متاثرہ علاقے کا محاصرہ کر کے ممکنہ جانی و مالی نقصان کا تخمینہ لگانے کے لیے ٹیمیں تعینات کر دی ہیں۔
About The Author
