واشنگٹن میں امریکی صدر ڈونلڈ ٹرمپ نے واضح کیا ہے کہ روس کے ساتھ کاروبار کرنے والے ممالک کے خلاف سخت اقتصادی پابندیاں عائد کی جائیں گی۔ ان کا کہنا تھا کہ ریپبلکن رہنما روس سے تجارتی روابط برقرار رکھنے والے ممالک پر پابندیوں کے لیے قانون سازی پر کام کر رہے ہیں، جبکہ ایران کو بھی اس فہرست میں شامل کیے جانے کا امکان ہے۔
صدر ٹرمپ نے مزید کہا کہ انہوں نے پہلے ہی تجویز دے دی تھی کہ روس کے ساتھ کاروبار کرنے والے ممالک پر سخت پابندیاں عائد کی جائیں۔ ان کے مطابق نئی پابندیوں کا مقصد روس پر عالمی دباؤ بڑھانا اور اس کی سرگرمیوں پر اثرانداز ہونا ہے۔
امریکی صدر کے اس بیان نے عالمی سطح پر سیاسی و معاشی حلقوں میں نئی بحث چھیڑ دی ہے، جبکہ ماہرین کا کہنا ہے کہ اگر ایسے اقدامات کیے گئے تو وہ کئی ممالک کے باہمی تجارتی و سفارتی تعلقات کو متاثر کر سکتے ہیں۔
About The Author
