کویت سٹی – خلیج تعاون کونسل (جی سی سی) کی مشترکہ دفاعی کونسل کا 22واں اجلاس کویت میں منعقد ہوا، جس میں سعودی وزیر دفاع شہزادہ خالد بن سلمان کی قیادت میں سعودی وفد نے شرکت کی۔ اجلاس میں جی سی سی رکن ممالک کے وزرا، اعلیٰ دفاعی حکام اور خلیج تعاون کونسل کے سیکرٹری جنرل جاسم محمد البدیوی بھی موجود تھے۔
اجلاس کے دوران رکن ممالک کے درمیان فوجی اور دفاعی تعاون کو مزید مضبوط بنانے کے طریقوں پر تبادلہ خیال کیا گیا، جبکہ مشترکہ دلچسپی کے متعدد امور کا جائزہ بھی لیا گیا۔ اس موقع پر اجلاس کے ایجنڈے میں شامل کئی فیصلوں اور سفارشات کی منظوری دی گئی۔
سعودی وفد میں چیف آف جنرل اسٹاف لیفٹیننٹ جنرل فیاض بن حامد الرویلی، نائب وزیر دفاع برائے ایگزیکٹو امور ڈاکٹر خالد بن حسین البیاری اور وزیر دفاع کے مشیر برائے انٹیلی جنس ہشام بن عبدالعزیز بن سیف شامل تھے۔
About The Author
