لاہور۔:
پاکستان کرکٹ ٹیم نے سال 2025 کے دوران ٹی ٹوئنٹی کرکٹ میں شاندار کارکردگی کا مظاہرہ کرتے ہوئے نمایاں کامیابیاں حاصل کیں۔ قومی ٹیم نے سال بھر میں کھیلے گئے میچز میں تسلسل کے ساتھ بہتر کھیل پیش کیا اور فتوحات کے لحاظ سے نمایاں مقام حاصل کیا۔
اعداد و شمار کے مطابق پاکستان نے 2025 میں مجموعی طور پر 34 ٹی ٹوئنٹی میچز کھیلے، جن میں سے 21 میچز میں کامیابی حاصل کی، جبکہ 13 میچز میں شکست کا سامنا کرنا پڑا۔
ٹی ٹوئنٹی فارمیٹ میں پاکستان کی یہ کارکردگی نہ صرف ٹیم کی مجموعی صلاحیتوں میں بہتری کی عکاس ہے بلکہ نوجوان کھلاڑیوں اور تجربہ کار اسٹارز کے مؤثر امتزاج کا بھی ثبوت ہے۔ ماہرین کے مطابق یہ کارکردگی آئندہ بین الاقوامی ایونٹس کے لیے پاکستان کرکٹ ٹیم کے اعتماد میں اضافے کا باعث بنے گی۔
About The Author
