لاہور- پاکستانی فلم و ٹی وی کے نامور اداکار اور صداکار شجاعت ہاشمی لاہور میں انتقال کر گئے۔
ان کے بیٹے شاہکار ہاشمی نے تصدیق کی ہے کہ والد کچھ عرصے سے علیل تھے۔ بیٹے کے مطابق شجاعت ہاشمی کی نمازِ جنازہ آج رات 9 بجے جامعہ نعیمہ میں ادا کی جائے گی۔
شجاعت ہاشمی نے کئی دہائیوں تک شاندار اداکاری سے ناظرین کے دل جیتے اور ان کا شمار پاکستان ٹیلی ویژن کے سنہری دور کے نمایاں اداکاروں میں ہوتا تھا۔ ان کا کردار مولاداد ڈرامہ سیریل وارث میں آج بھی ناظرین کی یادداشت میں زندہ ہے۔
About The Author
