لاہور کی سیشن کورٹ میں معروف گلوکار Ali Zafar کی جانب سے گلوکارہ Meesha Shafi کے خلاف دائر ہتک عزت کے دعوے کی کارروائی مکمل ہو گئی ہے۔
عدالت میں کیس کی سماعت کے دوران دونوں فریقین کے وکلاء نے اپنے دلائل مکمل کر لیے جبکہ تحریری دلائل بھی جمع کرا دیے گئے۔ ایڈیشنل سیشن جج آصف حیات نے کیس کی سماعت کی۔
سماعت کے دوران عدالت نے ریمارکس دیے کہ اگر 30 مارچ کو کسی نکتے پر مزید وضاحت یا معاونت درکار ہوئی تو وکلاء عدالت کی مدد کریں گے۔ جج نے عندیہ دیا کہ 30 مارچ کے بعد کیس کے فیصلے کی تاریخ کا اعلان کیا جائے گا۔
واضح رہے کہ Ali Zafar نے 2018 میں Meesha Shafi کے خلاف ہتک عزت کا دعویٰ دائر کیا تھا، جس میں انہوں نے 100 کروڑ روپے ہرجانے کا مطالبہ کیا ہے۔
یہ کیس پاکستان میں #MeToo مہم کے تناظر میں ایک اہم قانونی مقدمہ سمجھا جاتا ہے، جس پر طویل عرصے سے عوامی اور قانونی حلقوں کی نظر ہے۔
About The Author
