پنجاب بیس بال ایسوسی ایشن کے عہدیداران کے انتخابات کامیابی سے مکمل ہو گئے، جس میں تمام امیدوار بلا مقابلہ منتخب ہو گئے۔
یہ انتخابی عمل Punjab Olympic Association لاہور کے کانفرنس ہال میں منعقد ہوا، جہاں ایسوسی ایشن کے نمائندوں کے علاوہ Pakistan Federation Baseball کے نمائندے بھی موجود تھے۔ الیکشن کمشنر محمد ظفر شیروانی نے انتخابی عمل کی نگرانی کی۔
نتائج کے مطابق ڈاکٹر محمد حمود لکھوی صدر، ڈاکٹر حمیرا عزیز مغل سینئر نائب صدر، محمد جمیل کامران سیکرٹری جنرل جبکہ شاہد رضا خزانچی منتخب ہوئے۔
الیکشن کمشنر کے مطابق پنجاب کے مختلف ڈویژنز کے صدور نے اجلاس میں شرکت کی اور تمام عہدیداران کو متفقہ طور پر منتخب کیا گیا، جس سے تنظیمی ہم آہنگی کا اظہار ہوتا ہے۔
انتخابات کے بعد ایگزیکٹو باڈی کا اجلاس بھی منعقد ہوا، جس میں نو منتخب عہدیداران کو مبارکباد دی گئی اور بیس بال کے فروغ کے لیے مختلف اہم فیصلے کیے گئے، جن میں مارکیٹنگ اور میڈیا مینیجرز کی تقرری بھی شامل ہے۔
اس موقع پر سیکرٹری جنرل محمد جمیل کامران کا کہنا تھا کہ اب تمام توجہ صوبے میں بیس بال کے فروغ پر مرکوز کی جائے گی اور نوجوان کھلاڑیوں کو زیادہ سے زیادہ مواقع فراہم کر کے اس کھیل میں بہتری لائی جائے گی۔
About The Author
