جاپان کے وزیرِ اعظم Sanae Takaichi نے کہا ہے کہ حکومت ایران کے ساتھ اعلیٰ سطحی مذاکرات کے انعقاد کی تیاری کر رہی ہے تاکہ خطے میں بڑھتی ہوئی کشیدگی کو کم کیا جا سکے۔
چینی خبر رساں ادارے Xinhua News Agency کے مطابق وزیرِ اعظم تاکائیچی نے پارلیمانی کمیٹی کے اجلاس کے دوران ایک اپوزیشن رکن کے سوال کے جواب میں کہا کہ جاپان مناسب وقت پر قیادت کی سطح پر مذاکرات کے لیے تیار ہے۔
انہوں نے اس بات پر زور دیا کہ موجودہ عالمی اور علاقائی صورتحال کے پیش نظر جاپان سفارتی ذرائع کو فعال کرنے اور مکالمے کو فروغ دینے پر توجہ دے رہا ہے، تاکہ امن و استحکام کو یقینی بنایا جا سکے۔
یہ پیش رفت ایسے وقت میں سامنے آئی ہے جب امریکا، اسرائیل اور ایران کے درمیان کشیدگی میں اضافہ دیکھا جا رہا ہے، اور مختلف ممالک اس صورتحال میں سفارتی مداخلت کے ذریعے تناؤ کم کرنے کی کوشش کر رہے ہیں۔
جاپانی وزیرِ اعظم کے مطابق ان کا ملک خطے میں امن کے فروغ کے لیے فعال کردار ادا کرنے کا خواہاں ہے اور اسی سلسلے میں مختلف فریقین کے ساتھ رابطوں کو وسعت دی جا رہی ہے تاکہ مذاکرات کے ذریعے مسائل کا حل نکالا جا سکے۔
About The Author
