Donald Trump نے خبردار کیا ہے کہ اگر ایران کے ساتھ جاری صورتحال کسی بھی وجہ سے غیرمتوقع رخ اختیار کرتی ہے تو امریکا دوبارہ حملے شروع کر سکتا ہے۔
اپنے بیان میں امریکی صدر نے کہا کہ ممکنہ معاہدے تک امریکی بحری جہاز، ایئرکرافٹ اور فوجی اہلکار Iran کے گرد موجود رہیں گے تاکہ کسی بھی ہنگامی صورتحال سے نمٹا جا سکے۔
انہوں نے مزید کہا کہ اگر دوبارہ کارروائی کی ضرورت پیش آئی تو حملے پہلے سے زیادہ بڑے اور طاقتور ہوں گے، جن کی مثال ماضی میں نہیں ملتی۔
ٹرمپ کے مطابق امریکا پہلے ہی یہ واضح کر چکا ہے کہ ایران کو جوہری ہتھیار حاصل کرنے کی اجازت نہیں دی جائے گی، اور یہ اصول کسی بھی ممکنہ معاہدے کا بنیادی جزو رہے گا۔
یہ بیان ایک ایسے وقت میں سامنے آیا ہے جب ایران کی جانب سے بھی عندیہ دیا گیا ہے کہ اگر جنگ بندی کی خلاف ورزی جاری رہی تو وہ معاہدے سے دستبردار ہو سکتا ہے، جس سے خطے میں کشیدگی دوبارہ بڑھنے کا خدشہ پیدا ہو گیا ہے۔
تجزیہ کاروں کے مطابق دونوں ممالک کے سخت بیانات ظاہر کرتے ہیں کہ موجودہ جنگ بندی نہایت نازک مرحلے میں ہے اور کسی بھی وقت صورتحال دوبارہ کشیدہ ہو سکتی ہے۔
About The Author
