ایران نے امریکا کے ساتھ ممکنہ مذاکرات کے لیے اپنی تجاویز باضابطہ طور پر پاکستان کے ذریعے ارسال کر دی ہیں۔
ایرانی سرکاری میڈیا ارنا کے مطابق یہ تجاویز جمعرات کے روز پاکستانی ثالثوں کے ذریعے پہنچائی گئیں۔
ایرانی وزارت خارجہ کے ترجمان اسماعیل بقائی نے تصدیق کی ہے کہ ایران اور امریکا کے درمیان جاری سفارتی رابطوں میں پاکستان ہی باضابطہ ثالث کا کردار ادا کر رہا ہے۔
انہوں نے کہا کہ اگرچہ دیگر ممالک بھی اس عمل میں سہولت کاری کے لیے آمادہ ہیں، تاہم اس وقت مذاکراتی عمل میں مرکزی اور رسمی ثالثی کا کردار پاکستان کو حاصل ہے۔
ترجمان کے مطابق اگر دونوں ممالک کے درمیان باضابطہ مذاکرات کے انعقاد کا فیصلہ کیا گیا تو اس حوالے سے عوام کو آگاہ کیا جائے گا۔
About The Author
