ڈی جی آئی ایس پی آر لیفٹیننٹ جنرل احمد شریف چوہدری نے پریس کانفرنس سے خطاب کرتے ہوئے کہا کہ پاکستان کی طرح ہمیں سعودی عرب کی سلامتی بھی عزیزہے، سعودی عرب کو کوئی خطرہ ہمارے لیے بھی خطرہ ہے۔
تفصیلات کے مطابق ڈی جی آئی ایس پی آر کا کہناتھا کہ بھارت کبھی فتنہ الخوارج،کبھی فتنہ الہندوستان کو استعمال کرتا ہے،افغان وزیرخارجہ سے مل کر بھارت نے پاکستان کیخلاف پلاننگ کی،پاکستان کی طرح ہمیں سعودی عرب کی سلامتی بھی عزیزہے،پاکستان کے سعودی عرب کے ساتھ تعلقات بہت گہرےہیں،حرمین شریفین کی سلامتی سعودی عرب کی سلامتی سے جڑی ہے،سعودی عرب کو کوئی خطرہ ہمارے لیے بھی خطرہ ہے،سعودی عرب کی سیکیورٹی اور سلامتی عزیزہے، ہم نے جو وعدہ کیا ہے،اسے پورا کر رہے ہیں۔
انہوں نے کہا کہ ڈپلومیسی کا فیصلہ سیاسی قیادت نے کرنا ہے،پانی ایک بنیادی حق ہے، کسی کو حق نہیں کہ وہ 25 کروڑ عوام کے مستقبل سے کھیل سکے، معرکہ حق عسکری و سیاسی قیادت کی بصیرت سے جیتا، انڈس واٹر ٹریٹی کے مطابق 6 دریاؤں کی تقسیم کی گئی، ان 6 دریاؤں پر صرف پاکستان کا حق ہے، پاکستان اور بھارت کے درمیان پانی کا مسئلہ حل ہونا ہے، کسی کو بھی سندھ طاس معاہدے کی خلاف ورزی نہیں کرنے دیں گے۔
About The Author
