پاکستان قومی کرکٹ ٹیم اور آسٹریلیا قومی کرکٹ ٹیم کے درمیان ون ڈے سیریز کا آغاز 30 مئی سے ہونے جا رہا ہے، تاہم قومی ٹیم کو سیریز سے قبل اہم اوپنرز کی عدم دستیابی کا سامنا ہے۔
ذرائع کے مطابق قومی ٹیم کے اوپنرز فخر زمان اور صائم ایوب انجریز کے باعث سلیکشن کے لیے دستیاب نہیں ہوں گے۔
دونوں کھلاڑی اس وقت انجری سے صحت یابی کے مرحلے سے گزر رہے ہیں اور پاکستان کرکٹ بورڈ کے میڈیکل اسٹاف کی نگرانی میں ری ہیب پروگرام جاری رکھے ہوئے ہیں۔
ذرائع کا کہنا ہے کہ ٹیم مینجمنٹ اور میڈیکل پینل کھلاڑیوں کی فٹنس کا مسلسل جائزہ لے رہے ہیں تاکہ انہیں مکمل صحت یابی کے بعد دوبارہ قومی ٹیم میں شامل کیا جا سکے۔
پاکستان کرکٹ بورڈ نے دونوں کرکٹرز کی جلد صحت یابی کے لیے نیک خواہشات کا اظہار کیا ہے جبکہ کھلاڑیوں کی فٹنس اور دستیابی سے متعلق مزید اپ ڈیٹ جلد جاری کیے جانے کا امکان ظاہر کیا گیا ہے۔
About The Author
