پاکستانی موسیقی کی معروف گلوکارہ میگھا اور گلوکار عباس جٹ کا نیا ویڈیو گانا ’’لونگ لب لیا‘‘ ریلیز کر دیا گیا ہے، جسے شائقین کی جانب سے سوشل میڈیا پر بھرپور پذیرائی حاصل ہو رہی ہے۔
دل کو چھو لینے والی شاعری، دلکش موسیقی اور دونوں گلوکاروں کی خوبصورت آواز نے گانے کو ریلیز ہوتے ہی مقبول بنا دیا۔ مداح گانے کی ویڈیو، میوزک اور پرفارمنس کو بے حد پسند کر رہے ہیں جبکہ مختلف سوشل میڈیا پلیٹ فارمز پر اس کے کلپس اور تبصرے تیزی سے وائرل ہو رہے ہیں۔
گانے کی شاعری ڈاکٹر خاقان حیدر غازی نے تحریر کی ہے جبکہ موسیقی کا انتظام کاشی خان نے کیا۔ ویڈیو گانے کی ہدایت کاری پپو سمرات اور عبدالرزاق منا نے انجام دی جبکہ کوریوگرافی وقاص علی اور ذیشان علی جانو نے کی ہے۔
یہ ویڈیو گانا ’’میگھا جی آرٹ اینڈ کلچر‘‘ کے بینر تلے ریلیز کیا گیا۔ اس موقع پر گلوکارہ میگھا نے اپنے بیان میں کہا کہ گانے کو ریلیز ہوتے ہی شائقین کی غیر معمولی توجہ حاصل ہوئی ہے اور اب تک ہزاروں مثبت پیغامات موصول ہو چکے ہیں۔
میگھا کا کہنا تھا کہ گانے کی کامیابی پوری ٹیم کی محنت کا نتیجہ ہے، جس نے دن رات کام کرکے اس پروجیکٹ کو کامیاب بنایا۔ انہوں نے اس کامیابی کو بہترین ٹیم ورک کا ثمر قرار دیا۔
About The Author
