چین کے انسانی خلائی پروگرام کے تحت شینژو 23 خلائی جہاز آج رات 11 بج کر 8 منٹ پر خلا کے لیے روانہ ہوگا۔ یہ لانچ شمال مغربی چین میں واقع جیوکوان سیٹلائٹ لانچ سینٹر سے کیا جائے گا، جس کی تصدیق چائنا مینڈ اسپیس ایجنسی نے ہفتے کے روز کی ہے۔
سرکاری اعلان کے مطابق شینژو 23 مشن چین کے خلائی اسٹیشن کی تیاری اور ترقی کے مرحلے کے دوران ساتواں انسانی خلائی مشن ہے، جبکہ یہ ملک کے مجموعی انسانی خلائی پروگرام کی چالیسویں پرواز بھی ہے۔ اس مشن کو چین کے خلائی منصوبوں میں ایک اہم سنگِ میل قرار دیا جا رہا ہے۔
خلائی مشن کے دوران عملے کے اہم مقاصد میں مدار میں پہلے سے موجود شینژو 21 کے عملے کے ساتھ ملاقات اور مشترکہ سرگرمیاں شامل ہیں۔ اس کے علاوہ خلائی سائنس کے مختلف تجربات، خلائی چہل قدمی، سامان کی منتقلی اور تکنیکی جانچ جیسے امور بھی مشن کا حصہ ہوں گے۔
مزید برآں خلا میں موجود آلات اور بیرونی پے لوڈز کی تنصیب اور ان کی واپسی، ملبے سے حفاظت کے نظام کی تنصیب، سائنسی تحقیق، تعلیمی سرگرمیوں اور عوامی فلاح سے متعلق منصوبے بھی اس مشن میں شامل ہیں۔
About The Author
