سعودی عرب نے حج کے دوران حجاج کرام کے تحفظ اور مقدس مقامات کی سکیورٹی یقینی بنانے کے لیے جامع دفاعی انتظامات مکمل کر لیے ہیں۔
سعودی وزارت دفاع کے مطابق مسجد الحرام کے اطراف مضبوط فضائی دفاعی حصار قائم کر دیا گیا ہے جبکہ حج کے اہم مقامات منیٰ، مزدلفہ اور میدان عرفات کے گرد بھی کڑی فضائی نگرانی جاری ہے۔
سعودی وزارت دفاع نے دفاعی نظام کی تنصیب اور نگرانی سے متعلق ایک ویڈیو بھی جاری کی ہے، جس میں جدید فضائی دفاعی نظام اور نگرانی کے انتظامات دکھائے گئے ہیں۔
وزارت دفاع کا کہنا ہے کہ حجاج کرام کی سکیورٹی، سلامتی اور اطمینان کے لیے غیر معمولی اقدامات کیے گئے ہیں جبکہ سعودی فضائی دفاعی فورسز ہر قسم کے ممکنہ فضائی خطرات سے نمٹنے کے لیے مکمل طور پر تیار ہیں۔
About The Author
