اسرائیلی وزیر اعظم بنیامین نیتن یاہو نے ملک کی سکیورٹی کابینہ کا ایک اہم اجلاس طلب کر لیا ہے جس میں امریکہ اور ایران کے درمیان زیر غور متوقع امن معاہدے کی تفصیلات پر غور کیا جائے گا۔
اسرائیلی میڈیا رپورٹس کے مطابق وزیر اعظم نیتن یاہو نے اس ممکنہ معاہدے پر ڈونلڈ ٹرمپ سے رابطہ کیا اور اپنی شدید تشویش سے آگاہ کیا۔
رپورٹ کے مطابق اسرائیل کو اس مجوزہ معاہدے کے دو اہم نکات پر اعتراضات اور تحفظات ہیں۔
پہلا نکتہ لبنان میں جنگ بندی سے متعلق شق ہے جبکہ دوسرا اہم مسئلہ ایران کے جوہری پروگرام سے متعلق مذاکرات کی نوعیت اور اس کے ممکنہ التوا پر تشویش ہے۔
اسرائیلی حکام کے مطابق سکیورٹی کابینہ کے اجلاس میں ان دونوں نکات کا تفصیلی جائزہ لیا جائے گا اور آئندہ کے لیے اسرائیل کی حکمتِ عملی طے کی جائے گی۔
About The Author
