بجٹ سے چند روز قبل وفاقی حکومت کو ریونیو کی مدمیں بڑاجھٹکا،وفاقی آئینی عدالت نے غیر رجسٹرڈ پولٹری فارمزکوفیڈ کی فراہمی پر عائد چارفیصد ٹیکس کو غیرقانونی قراردے دیا،لاہورہائیکورٹ کا فیصلہ کالعدم قراردے دیاگیا۔
وفاقی آئینی عدالت نےغیررجسٹرڈ پولٹری فارمزکوفیڈ سپلائی پرفیصلہ جاری کردیا،جسٹس عامرفاروق کی سربراہی میں 2 رکنی بینچ نےفیصلہ جاری کردیا،عدالت نے پولٹری فیڈملز سے 4 فیصد اضافی ٹیکس کی وصولی غیرقانونی قراردیدیا،وفاقی آئینی عدالت نے لاہورہائیکورٹ کا فیصلہ کالعدم قرار دے دیا۔
وفاقی آئینی عدالت کی جانب سےفیصلے میں کہاگیاکہ اضافی ٹیکس قانون کےسیکشن 31 اےمیں ابہام ہے،غیررجسٹرڈ پولٹری فارمزکو فیڈ سپلائی کرنےپراضافی ٹیکس عائدکیاگیا،اضافی ٹیکس 2024 کے فنانس ایکٹ کی مد میں وصول کیا جارہا تھا۔
قانون کےمطابق پولٹری فارمزکو ٹیکس سےمستثنیٰ قراردیاگیا،استثنی ملنےکےبعد پولٹری فارمز رجسٹریشن کےپابند نہیں،قانون غیررجسٹرڈ پولٹری فارمز کو مکمل تحفظ فراہم کرتا ہے،رجسٹریشن کی قانونی پابندی نہ ہونے پر پولٹری فارمز یا ملز کو سزا نہیں دی جاسکتی۔
لاہور ہائیکورٹ نےپولٹری فیڈ ملز سے 4فیصد اضافی ٹیکس درست قرار دیا تھا،پولٹری فیڈ ملز مالکان نے اضافی ٹیکس کیخلاف آئینی عدالت سے رجوع کیا تھا۔
About The Author
