محکمہ ماحولیات چنیوٹ ٹیم کی ماحولیاتی آلودگی پھیلانے والی چمڑا فیکٹری کے خلاف میں بڑی کارروائی کرکے رہائشی آبادی میں قائم غیر قانونی چمڑا سازی کی فیکٹری گرا دی گئی جب کہ رہائشی علاقے میں قائم کھالوں کا گودام بھی مسمار کر دیا گیا ۔
حکام کا کہنا تھا کہ گودام میں جانوروں کی کھالوں کی پروسیسنگ اور چمڑا سازی کا کام جاری تھا، تعفن، بدبو اور انسانی صحت کےلئے مضر ماحول کے باعث شہری شدید تکلیف میں مبتلا تھے۔
دوسری جانب محکمہ ماحولیات کی ٹیم نے اہل علاقہ کی شکایات پر کارروائی کی جب کہ اہل علاقہ کا وزیراعلی مریم نواز شریف نے شکریہ ادا کیا۔
اہل علاقہ کا کہنا تھا کہ طویل عرصے سے بچے، بڑے اور خواتین اذیت اور بیماریوں کا شکار ہو رہے تھے، وزیراعلی مریم نواز شریف کی ای پی اے چنیوٹ کی ٹیم کو شاباش دی۔
دوسری جانب وزیراعلیٰ پنجاب نے کہا کہ قانون کی خلاف ورزی کرنے والے کسی رعایت کے مستحق نہیں۔
علاوہ ازیں سینئر وزیر پنجاب مریم اورنگریب کا کہنا تھا کہ رہائشی علاقوں میں انڈسٹریل کام کی اجازت نہیں ہے، چمڑا ساز ،سلاٹر ہاوسز ،ٹینریز، پلاسٹک کا ا ستعمال کوڑا جلانے فصلوں کی باقیات آگ لگانے والوں سے سختی سے نمٹا جائے گا۔
مریم اورنگزیب نے کہا ہے کہ عوام الناس سے گزارش ہے کہ حکومتی ہدایات پر عملدرآمد یقینی بنائیں، ماحولیاتی آلودگی پھیلانے والے عناصر کے خلاف بلا امتیاز کاروائیاں جاری رہیں گی۔
اُن کا مزید کہنا تھا کہ گزشتہ 2 سالوں میں حکومت پنجاب کے اقدامات کی بدولت ایئر کوالٹی انڈیکس میں نمایاں بہتری ہوئی ہے۔
About The Author
