پشاور: خیبرپختونخوا پولیس نے دور دراز علاقوں میں سیٹلائٹ کمیونیکیشن سسٹم متعارف کرانےکا فیصلہ کرلیا۔
پولیس کے مطابق پولیس کی ٹیمیں ہنگامی حالات میں سیٹلائٹ کے ذریعے رابطے بحال رکھیں گی جب کہ موبائل اور ٹیلی فون سروس معطل ہونے پرسیٹلائٹ رابطہ استعمال کیا جائےگا۔
پولیس کا کہنا ہے کہ پہلے مرحلے میں سیٹلائٹ کمیونیکیشن کا آغاز بنوں، لکی مروت اور دیگر علاقوں میں کیا جائےگا، سیٹلائٹ کمیونیکیشن سسٹم سے متعلق کمانڈ اینڈ کنٹرول سینٹر بھی قائم ہوگا جب کہ جدید نظام کی نگرانی کے لیے ماہرین پر مشتمل خصوصی ٹیم تعینات ہوگی۔
پولیس کے مطابق دور دراز علاقوں میں آپریشنل ٹیموں کو رابطےمیں مشکلات کا سامنا رہتا ہے، سیٹلائٹ کمیونیکیشن سسٹم سےآپریشنل ٹیموں کے ساتھ رابطےکا مسئلہ حل ہوگا، سیٹلائٹ کمیونیکیشن سسٹم سے ہنگامی صورتحال میں جائے وقوعہ تک بروقت رسائی یقینی بنائی جائےگی، دور دراز علاقوں کے بعد دیگر علاقوں میں بھی سیٹلائٹ کمیونیکیشن سسٹم متعارف کیاجائےگا۔
پولیس کا کہنا ہے کہ جدید مواصلاتی نظام سے پولیس کے ایمرجنسی رسپانس کی صلاحیت میں اضافہ ہوگا، آفات اور بحرانوں کے دوران متبادل رابطہ نظام فعال رہےگا، سیٹلائٹ ٹیکنالوجی سے عوامی تحفظ اور امدادی کارروائیوں میں بہتری آئےگی، جدید سیٹلائٹ مواصلاتی نیٹ ورک کےقیام پر تیزی سےکام جاری ہے۔
About The Author
