پاکستان کرکٹ بورڈ نے ہانگ کانگ سکسز ٹورنامنٹ کے لیے قومی اسکواڈ کا اعلان کردیا ہے۔ عباس آفریدی کو ٹیم کا کپتان مقرر کیا گیا ہے۔ تین روزہ ایونٹ 30 اکتوبر سے یکم نومبر 2026 تک ہانگ کانگ میں کھیلا جائے گا۔
پاکستان سمیت 12 ٹیمیں ٹورنامنٹ میں شرکت کریں گی۔ ٹیموں کو چار گروپس میں تقسیم کیا گیا ہے۔ پاکستان کو گروپ سی میں بھارت اور متحدہ عرب امارات کے ساتھ رکھا گیا ہے۔
پاکستان کرکٹ بورڈ کے اعلان کے مطابق اسکواڈ میں سات کھلاڑی شامل ہیں۔
- محمد عباس آفریدی (کپتان)
- عبدالصمد
- احمد دانیال
- محمد عرفان خان
- خواجہ نافع
- محمد شہزاد
- سعد مسعود
رضا کچلو ٹیم کے منیجر ہوں گے۔
پاکستانی ٹیم 28 اکتوبر کو ہانگ کانگ کے لیے روانہ ہوگی۔ قومی ٹیم گروپ مرحلے میں 30 اکتوبر کو متحدہ عرب امارات اور بھارت کے خلاف میدان میں اترے گی۔پاکستان گزشتہ ایڈیشن کا چیمپئن ہے۔ قومی ٹیم اس بار بھی ٹائٹل کا دفاع کرنے کی کوشش کرے گی۔ ٹورنامنٹ میں تمام ٹیمیں چھ کھلاڑیوں کے فارمیٹ میں مقابلہ کریں گی۔
About The Author
