نیشنل ویمنز ٹی ٹوئنٹی ٹورنامنٹ میں اسٹارز اور اسٹرائیکرز نے اپنے میچز جیت لیے۔ اسٹارز نے چیلنجرز کو 69 رنز سے شکست دی۔ دوسرے میچ میں اسٹرائیکرز نے انونسیبلز کو چھ وکٹوں سے ہرایا۔
اسٹارز نے پہلے بیٹنگ کرتے ہوئے چھ وکٹوں پر 139 رنز بنائے۔ طوبیٰ حسن اور صدف شمس نے 34، 34 رنز کی اننگز کھیلیں۔
جواب میں چیلنجرز کی ٹیم 14.3 اوورز میں 70 رنز بنا کر آؤٹ ہوگئی۔ عائشہ رحمان نے چار وکٹیں حاصل کیں۔ ان کی عمدہ بولنگ کی بدولت اسٹارز نے ایونٹ میں دوسری کامیابی حاصل کرلی۔
دوسرے میچ میں اسٹرائیکرز نے انونسیبلز کو چھ وکٹوں سے شکست دی۔ اسٹرائیکرز نے 98 رنز کا ہدف 15.4 اوورز میں چار وکٹوں کے نقصان پر حاصل کرلیا۔
اسٹرائیکرز کی جانب سے نیلم مشتاق، رامین شمیم اور فاطمہ ثنا نے دو، دو وکٹیں حاصل کیں۔
انونسیبلز کی جانب سے ایمان فاطمہ نے 34 رنز بنائے۔ نتالیہ پرویز 24 رنز کے ساتھ نمایاں رہیں۔
