خیبر پختونخوا میں گورنر راج اور 12 اضلاع میں ایمرجنسی کے نفاذ کے بعد وزیراعظم شہباز شریف پہلے دورے پر پشاور پہنچ گئے۔
وزیراعظم گورنر ہاؤس میں امن وامان اور انتظامی صورتحال کے حوالے سے اعلیٰ سطح اجلاس کچھ دیر بعد شروع ہوگا۔ وفاقی وزیرخزانہ اورنگزیب، وفاقی وزیرقانون عطاءتارڑ گورنر ہاؤس پہنچ گئے۔ خیبرپختونخوا ایڈوائزری کونسل کے اراکین بھی گورنر ہاؤس پہنچ گئے۔
دہشتگردی سے متاثرہ 12اضلاع کی علاقائی نمائندہ وترقیاتی کونسل چیئرمین شوکت اللہ بھی موجود ہیں، علاقائی نمائندہ و ترقیاتی کونسل کےوائس چیئرمین اوراراکین بھی گورنرہاؤس پہنچ گئے۔ چیف سیکرٹری،آئی جی پی،علاقائی ترقیاتی سیکرٹریٹ کے مشیر اور اعلی حکام بھی موجود ہیں۔
وزیر اعظم امن وامان کے حوالے سے اعلی سطح اجلاس کی صدارت کریں گے، جس میں وزیر اعظم کو دہشت گردوں اور فتنہ الخوارج کی سرکوبی کے لئے اٹھائے گئے اقدامات سے آگاہ کیا جائے گا اور اس میں صوبے کی سیکیورٹی ضروریات سے بھی آگاہ کیا جائے گا۔
ضم اضلاع اور 4 جنوبی اضلاع کے لئے قائم ایریا ریپریزنٹیٹو اینڈ ڈویلپمنٹ کونسل کے اراکین سے بھی وزیر اعظم کی ملاقات متوقع ہے ۔ وزیر اعظم دورے کے دوران 12 اضلاع کے لئے اپنے وژن کا اعلان بھی کریں گے۔
وزیر اعظم 8 ضم اضلاع اور 4 جنوبی اضلاع میں دہشت گردی کے خاتمے اورپائیدار امن اور ترقی کے لئے قائم ایریا ریپریزنٹیٹو اینڈ ڈویلپمنٹ کونسل کے بارے میں خصوصی بریفنگ دی جائے گی۔ وزیر اعظم اس دورے میں 12 اضلاع کے لئے اپنے وژن کا اعلان بھی کریں۔
ذرائع کے مطابق گورنر وزیر اعظم کو خیبر پختونخوا میں گندم و آٹے کی کمی ،گیس اور بجلی لوڈ شیڈنگ ،امن وامان، انفراسٹکچر سمیت دیگردرپیش مسائل کے حوالے سے آگاہ کریں گے۔
