Close Menu
  • تازہ ترین
  • پاکستان
  • سنٹرل ایشیا
  • دنیا
  • فیکٹ چیک
  • ٹرینڈ
  • شوبز
  • کھیل
  • کاروبار
  • ملٹی میڈیا
  • کالم

Subscribe to Updates

Get the latest creative news from FooBar about art, design and business.

What's Hot

انٹرنیشنل سب میرین کیبل میں خرابی، ملک بھر میں انٹرنیٹ صارفین کو مشکلات

نومبر 18, 2026

خواتین خود کو غیرمحفوظ سمجھیں توموبائل فون ہلائیں، خواتین کے تحفظ کی ایپ "ویمن سیفٹی”پولیس کو مدد کے لیے اطلاع دے گی۔مریم نواز

نومبر 18, 2026

ٹرمپ کی ایران کو پھر دھمکی، کہا امریکا کو خطرہ ہوا تو ناقابلِ تصور نتائج بھگتنا ہوں گے

نومبر 18, 2026
Facebook X (Twitter) Instagram
بدھ, نومبر 18
Facebook X (Twitter) Instagram
English
  • تازہ ترین
  • پاکستان
  • سنٹرل ایشیا
  • دنیا
  • فیکٹ چیک
  • ٹرینڈ
  • شوبز
  • کھیل
  • کاروبار
  • ملٹی میڈیا
  • کالم
Home»پاکستان»انگلینڈ اور شناختی تفاخر!
پاکستان

انگلینڈ اور شناختی تفاخر!

EditorBy Editorنومبر 18, 2026کوئی تبصرہ نہیں ہے۔
Facebook Twitter Pinterest LinkedIn WhatsApp Reddit Tumblr Email
Share
Facebook Twitter LinkedIn Pinterest Email

افضال ریحان

انگلستان میں درویش کو اپنے پاکستانی بھائی بہنوں سے یہ شکایت ہے کہ وہ یہاں کی مقامی آبادی کے ساتھ گھل مل کر رہنے کی بجائے بالعموم اپنی الگ تھلگ آبادیوں میں رہتے ہیں، جیسے کہ ساؤتھ ہال اور الفرڈ کے معروف علاقے جن کا ماحول ایسے ہی لگا جیسے بھاٹی لوہاری کا،مختلف کمیونٹیز کامشترکہ گلی محلوں یا مخصوص علاقوں میں رہنا کوئی بری بات نہیں، انھیں ہم لائک مائنڈڈ لوگ کہہ سکتے ہیں لیکن جب صورتحال اس سے کہیں آگے بڑھ کر اپنی اسپیشل شناخت یا اپنے تشخص پر تفاخر اور دوسروں سے مغائرت میں ڈھلتی دکھنے لگے تو اس پر نہ صرف اصل مقامی لوگوں کو بلکہ سبھی باشعور انسانوں کو تشویش ہونی چاہیے۔

اس کم آمیزی یا الگ تشخص کا نتیجہ یہ نکلتا ہے کہ یہ لوگ یہاں لندن میں رہ کر بھی کوئی نیا تخیل، نئی مشترکہ تہذیب یا تہذیبی اقدار، حتیٰ کہ زبان و ادب تک نہیں سیکھتے۔ یہاں درویش کو ایسے لوگ بھی ملے ہیں جو اپنے پاکستان میں رہنے والے بھائیوں سے بھی کئی ہاتھ زیادہ بنیاد پرست پائے گئے۔ وہ یہاں انگریزوں کے ملک میں رہ کر بھی اپنے روایتی تفاخر کے ڈھول پیٹتے پائے جاتے ہیں۔ اپنے پاکستان سے جو لوگ یہاں آتے ہیں، ان میں مذہب پسندٹائپ لوگ تو رہے ایک طرف، نامور فنکار ادیب صحافی شاعر بھی بالعموم اپنے انہی پاکستانی بھائیوں کے ساتھ مل کر دعوتیں کھاتے اور اپنی ستائش کرواتے ہیں۔ ایک سے دوسرے شہر گھومتے پھرتے یوں محسوس ہوتا ہے کہ ایک ہی خطے، ایک ہی ملک میں بیک وقت دومختلف النوع تہذیبی دھارے بہہ رہے ہیں جوخاصی حد تک باہم متصادم ہیں۔ درویش نے ربع صدی قبل انہی مباحث پر ایک کتاب لکھی تھی بعنوان’’اسلامی تہذیب بمقابلہ مغربی تہذیب‘‘، جس میں اس پہلو پر زور تھا کہ ہمیں اپنائیت و یگانگت بلکہ وحدت نسل انسانی کا داعی و پیامبر بننا ہوگا۔

اگر تہذیبی طور پر ٹکراؤ کے دس پہلو ہیں تونوے پہلو اشتراک و معاونت کے بھی ہیں، افسوس جداگانہ تشخص کےحامیوں کی جانب سے ان 90فیصد کو دانستہ نظر انداز کر دیا جاتا ہے۔ بحث کا مدعا یہ تھا کہ آج اکیسویں صدی میں جب دنیا گلوبل ولیج بن چکی ہے،تہذیبی ٹکراؤ نہیں اشتراک کی ضرورت ہے کیونکہ تہذیبیں باہم حریف نہیں حلیف ہوتی ہیں۔ افسوس فنیٹک اپروچ نے یہاں کے اصل باشندوں اور نئے باسیوں میں ایک نوع کی خلیج کھڑی کر رکھی ہے جو وقت کے ساتھ بھرنے کی بجائے مزید گہری ہو رہی ہےاور ہم شاید اس کیلئے تیار نہیں ہیں کہ یہاں کی تہذیبی اقدار کا احترام کرتے ہوئے مقامی لوگوں کی خوبیوں کو اپنے اندر جذب کر لیں یا ان میں گھل مل جائیں۔

ہم اپنی مثبت اقدار کو ضرور قائم و دائم رکھیں لیکن تہذیبی طور پرمغائرت کا رویہ بالآخر بےضرر ثابت نہیں ہوگا۔ اس تہذیبی مغائرت کی بنیادی وجہ ہمارے اندر کے وہ شدید تعصبات ہیں جن کی جڑیں ہماری روایتی اپروچ میں پیوست ہیں۔ ہمارے دماغوں میں یہ سوچ جم گئی ہے کہ صرف ہم ہی افضل وبرترہیں۔ یہ دنیا وی چند روزہ زندگی کچھ نہیں، لہٰذا ان بے دینوںسے تعلقات بنانے کےجھنجھٹ میں پڑا ہی کیوں جائے۔ ہماری تہذیب بھی پاکیزہ ہے جبکہ ان کی تہذیب گندی ہے جس میںجنسیت کی کھلی چھوٹ ہے۔

درویش کے دوستوں نے یہاں کےایک چوک میں پانچ مذہبی سینٹر دکھاتے ہوئے بتایا کہ ادھر ایک میل کے اندر ساٹھ کی گنتی پوری ہو چکی ہے۔درویش نے جن مذہبی سینٹر کو وزٹ کیا اور وہاں جو کچھ ملاحظہ کیا اس کی تفصیلات آئندہ پر ڈال کر عرض گزار ہے کہ ہمارا ماضی و حال جو بھی ہے ہماری نئی نسلوں کو مذہب کے نام پر اس نوع کے مادی مفادات، اختلافات و دیگر تعصبات سے نکلنا ہوگا، ہمیں ان کےاذہان میںایسے فکری پھول کھلانے ہونگے جن کی خوشبو سے وہ یہ سمجھ جائیں کہ دنیا کے تمام انسان بلا تمیز مذہب و ملت رنگ و نسل قابل احترام ہیں، یہ سب خدا کا کنبہ ہیں۔ ہمیں اس کنبے کے ہر فردسےمحبت کا درس دینا ہے، انسان یاانسانیت سے بڑھ کر اس کرہء ارضی،اس گلوبل ویلیج میں کوئی چیز، کوئی نظریہ ،کوئی سوچ مقدس نہیں۔

آج پوری دنیا ایک ہی وحدت ایک ہی پوائنٹ پر مجتمع ہو سکتی ہے اور وہ ہے مشترکہ انسانی مفاد، انسانوں کی عالم گیر بھلائی، یہ پکار کہ دنیا بھر کے انسانو! باہمی دشمنیاں چھوڑ کرتہذیبی رنگا رنگی کے ساتھ ایک ہو جاؤ۔

Share. Facebook Twitter Pinterest LinkedIn Tumblr Telegram Email
Editor

    Related Posts

    انٹرنیشنل سب میرین کیبل میں خرابی، ملک بھر میں انٹرنیٹ صارفین کو مشکلات

    نومبر 18, 2026

    خواتین خود کو غیرمحفوظ سمجھیں توموبائل فون ہلائیں، خواتین کے تحفظ کی ایپ "ویمن سیفٹی”پولیس کو مدد کے لیے اطلاع دے گی۔مریم نواز

    نومبر 18, 2026

    پاکستان کا فتح تھری کروز میزائل کا کامیاب تجربہ، طویل فاصلے تک ہدف نشانہ بنانے کی صلاحیت

    نومبر 18, 2026

    Comments are closed.

    Latest Posts

    ری سیٹ پاکستان،صدرِ مملکت کون ہو گا ؟

    نومبر 18, 2026

    انگلینڈ اور شناختی تفاخر!

    نومبر 18, 2026

    جماعت اسلامی کے ممتازرہنماامیرالعظیم کی حیات وخدمات پر مشتمل کتاب”امیر العظیم،چراغ راہ”شائع ہوگئی

    نومبر 17, 2026

    حالیہ اسرائیلی انتخابات

    نومبر 17, 2026

    سندھ کی تقسیم، انتظامی اصلاح یا تاریخ سے انکار؟

    نومبر 17, 2026

    محقق ومصنف پروفیسر ڈاکٹر حمیدرضا صدیقی کی دو کتابوں کی اشاعت

    نومبر 16, 2026
    Facebook X (Twitter) Pinterest Vimeo WhatsApp TikTok Instagram
    All Right Reserved © Vision Point PK 2026 . Managed by Vision Point

    Type above and press Enter to search. Press Esc to cancel.