Close Menu
  • تازہ ترین
  • پاکستان
  • سنٹرل ایشیا
  • دنیا
  • فیکٹ چیک
  • ٹرینڈ
  • شوبز
  • کھیل
  • کاروبار
  • ملٹی میڈیا
  • کالم

Subscribe to Updates

Get the latest creative news from FooBar about art, design and business.

What's Hot

پٹرول کی قیمت میں مزید کمی کردی گئی

نومبر 17, 2026

بین الاقوامی اسلامی یونیورسٹی دنیا کی ٹاپ 500 اور پاکستان کی ٹاپ 10 جامعات میں شامل

نومبر 17, 2026

پنجاب میں پہلے اور دوسرے مرحلے میں 18،18 اضلاع میں بلدیاتی انتخابات ہوں گے۔الیکشن کمیشن

نومبر 17, 2026
Facebook X (Twitter) Instagram
منگل, نومبر 17
Facebook X (Twitter) Instagram
English
  • تازہ ترین
  • پاکستان
  • سنٹرل ایشیا
  • دنیا
  • فیکٹ چیک
  • ٹرینڈ
  • شوبز
  • کھیل
  • کاروبار
  • ملٹی میڈیا
  • کالم
Home»پاکستان»جماعت اسلامی کے ممتازرہنماامیرالعظیم کی حیات وخدمات پر مشتمل کتاب”امیر العظیم،چراغ راہ”شائع ہوگئی
پاکستان

جماعت اسلامی کے ممتازرہنماامیرالعظیم کی حیات وخدمات پر مشتمل کتاب”امیر العظیم،چراغ راہ”شائع ہوگئی

EditorBy Editorنومبر 17, 2026Updated:نومبر 17, 2026کوئی تبصرہ نہیں ہے۔
Facebook Twitter Pinterest LinkedIn WhatsApp Reddit Tumblr Email
Share
Facebook Twitter LinkedIn Pinterest Email

 

(وژن پوائنٹ پی کے ڈاٹ کام)

معروف اشاعتی ادارے قلم فاونڈیشن انٹرنیشنل کے روح رواں جناب علامہ عبدالستار عاصم باغ وبہار شخصیت کے مالک ہیں۔علامہ صاحب صرف کتابوں کے پبلشر نہیں بلکہ کتابوں کے دیوانے ہیں۔وہ نت نئی معیاری کتابیں پرنٹ کرتے اورانہیں تقسیم کرتے نظر آتے ہیں۔ان کی زندگی کا مقصد اور مشن ہے کہ ہر ہاتھ میں کتاب نظر آئے۔

علامہ صاحب مایوس ہوکر اور تھک ہار کر بیٹھ جانے والے انسان نہیں بلکہ فولادی عزم اور پختہ یقین کے مالک انسان ہیں۔وہ بڑی تندہی کے ساتھ اپنا سفر جاری وساری رکھے ہوئے ہیں۔

ان کے اشاعتی ادارے کی طرف سے حال ہی میں ایک عمدہ کتاب”امیر العظیم، چراغ راہ” شائع ہوئی ہے۔کتاب کے مصنف ڈاکٹر طارق سلیم ہیں۔

یہ کتاب جماعت اسلامی کے ممتاز رہنما امیر العظیم(مرحوم ومغفور)کی حیات و خدمات پر مشتمل ہے۔اس کتاب کو 6 ابواب میں تقسیم کیاگیاہے۔پہلا باب خاندانی پس منظر،ہجرت اور پاکستان سے محبت کے عنوان پرہے۔ دوسرا باب مولانا مودودی صاحب کی فکری سے آشنائی،تیسرا باب افغان جہاد،چوتھا باب ڈیجیٹیل عہد میں دعوت کا نیا افق اور پانچواں باب ایک صحافی کی آنکھ سے امیرا العظیم پر مشتمل ہے۔اس کتاب کےچھٹے اور آخری باب کا عنوان ہے”امیر العظیم، دانشوروں کی نظرمیں” ۔اس میں اہم شخصیات کے وہ مضامین شامل ہیں جن میں امیر العظیم (مرحوم)کی خدمات کو شاندار الفاظ میں خراج تحسین پیش کیاگیاہے۔

کتاب کے بیک ٹائٹل پر امیر جماعت اسلامی حافظ نعیم الرحمن،سراج الحق اورلیاقت بلوچ کے تاثرات موجود ہیں۔

امیر جماعت اسلامی حافظ نعیم الرحمن کتاب کے تاثرات میں لکھتے ہیں کہ:”

امیر العظیم کی زندگی اخلاص، استقامت، دیانت اور دعوت دین کے لیے مسلسل جدوجہد کا روشن باب ہے۔ انھوں نے طالب علمی سے لے کر زندگی کی آخری سانس تک جماعت اسلامی کے نصب العین کو اپنی زندگی کا مقصد بنائے رکھا اور اس مقصد میں وہ کامیاب بھی رہے۔ یہی وجہ ہے کہ ان کے اس طرح بچھڑنے کا جس قدر نقصان ان کے لواحقین اور عزیز و اقارب کو ہوا ہے، اس سے بڑھ کر یہ عالم اسلام کا خسارہ بھی ہے۔ ڈاکٹر طارق سلیم نے اس کتاب میں ان کی شخصیت، کردار اور خدمات کو نہایت خوب صورتی سے قلم بند کیا ہے۔ مجھے یقین ہے کہ یہ سوانح آنے والی نسلوں کے لیے ایک قیمتی سرمایہ اور کارکنانِ تحریک کے لیے مشعل راہ ثابت ہوگی۔”

سابق امیر جماعت اسلامی سراج الحق نے اپنے تاثرات میں لکھاہے:”امیر العظیم ان لوگوں میں سے تھے جنہوں نے اپنی پوری زندگی اقامتِ دین کی جدوجہد کے لیے وقف کیے رکھی۔ وہ اخلاص، حلم، صبر، محبت اور تنظیمی وفاداری کی ایک زندہ مثال تھے۔ ان کا شمار جماعت کی انتہائی مخلص، مدبر، وفا شعار اور دلعزیز راہنماؤں میں ہوتا تھا۔ اگر کوئی جماعت کے اکابرین اور راہنماؤں کی فہرست مرتب کرے گا تو امیر العظیم کا نام صفِ اول کے راہنماؤں میں شمار ہوگا۔ اللہ کریم انھیں اجرِ عظیم عطا فرمائے۔ انھوں نے جماعت کے لیے لازوال جدوجہد کی۔ ڈاکٹر طارق سلیم کی یہ کاوش محض ایک شخصیت کی سوانح نہیں بلکہ ایک نظریاتی کارکن کی پوری جدوجہد کی داستان ہے۔ مجھے امید ہے کہ یہ کتاب تحریک اسلامی کی تاریخ میں ایک اہم اضافہ ثابت ہوگی۔”

جماعت اسلامی کے سینئر رہنما لیاقت بلوچ نے اپنے تاثرات میں لکھاہے کہ:”امیر العظیم کی زندگی ہمیں یہ سبق دیتی ہے کہ اخلاص اور استقامت کے ساتھ کی گئی جدوجہد کبھی رائیگاں نہیں جاتی۔ انھوں نے ہر ذمہ داری کو امانت سمجھ کر نبھایا اور کارکنوں کے لیے ہمیشہ شفقت، محبت اور رہنمائی کا نمونہ بنے رہے۔ امیر العظیم جیسے سچے، مخلص اور بڑے لوگ قوم کا سرمایہ ہوتے ہیں، جماعت اسلامی کی خوش نصیبی رہی ہے کہ انھیں ایسے اخلاص اور وفا کے پیکر میسر آئے جن کی پھیلائی ہوئی روشنی صدیوں تک جماعت کے لیے مشعلِ راہ بنی رہے گی۔ دل کے امیر اور کردار کے عظیم اس شخص کا نام امیر العظیم تھا جنھیں دستِ قضا نے ہمارے ہاتھوں سے چھین لیا۔ ڈاکٹر طارق سلیم نے ان کی حیات و خدمات کو مؤثر انداز میں محفوظ کیا ہے۔ یہ کتاب نہ صرف ان کے چاہنے والوں بلکہ تحریکِ فکر سے وابستہ ہر قاری کے لیے قابلِ مطالعہ ہے۔”

Share. Facebook Twitter Pinterest LinkedIn Tumblr Telegram Email
Editor

    Related Posts

    پٹرول کی قیمت میں مزید کمی کردی گئی

    نومبر 17, 2026

    بین الاقوامی اسلامی یونیورسٹی دنیا کی ٹاپ 500 اور پاکستان کی ٹاپ 10 جامعات میں شامل

    نومبر 17, 2026

    پنجاب میں پہلے اور دوسرے مرحلے میں 18،18 اضلاع میں بلدیاتی انتخابات ہوں گے۔الیکشن کمیشن

    نومبر 17, 2026

    Comments are closed.

    Latest Posts

    جماعت اسلامی کے ممتازرہنماامیرالعظیم کی حیات وخدمات پر مشتمل کتاب”امیر العظیم،چراغ راہ”شائع ہوگئی

    نومبر 17, 2026

    حالیہ اسرائیلی انتخابات

    نومبر 17, 2026

    سندھ کی تقسیم، انتظامی اصلاح یا تاریخ سے انکار؟

    نومبر 17, 2026

    محقق ومصنف پروفیسر ڈاکٹر حمیدرضا صدیقی کی دو کتابوں کی اشاعت

    نومبر 16, 2026

    لاہور جم خانہ کلب کا قضیہ

    نومبر 16, 2026

    سالک کا کون مالک؟

    نومبر 16, 2026
    Facebook X (Twitter) Pinterest Vimeo WhatsApp TikTok Instagram
    All Right Reserved © Vision Point PK 2026 . Managed by Vision Point

    Type above and press Enter to search. Press Esc to cancel.