یورپی یونین اور وسطی ایشیائی ممالک کے درمیان پہلی مشترکہ سربراہی کانفرنس کا انعقاد خطے میں ایک نئے سفارتی دور کے آغاز کے طور پر دیکھا جا رہا ہے۔ اس کانفرنس میں قازقستان، کرغزستان، ازبکستان، ترکمانستان اور تاجکستان کے سربراہان نے یورپی یونین کے اعلیٰ نمائندوں سے ملاقات کی اور ایک طویل المدتی اسٹریٹجک شراکت داری پر اتفاق کیا۔
سربراہی اجلاس میں معاشی ترقی اور تجارت،موسمیاتی تبدیلی اور توانائی کا تحفظ،ڈیجیٹلائزیشن اور تعلیم اور سیکیورٹی تعاون اور انسداد دہشت گردی کے شعبوں پر توجہ دی گئی
یورپی یونین نے اس شراکت داری کو اپنی بروقت خارجہ پالیسی حکمت عملی کا حصہ قرار دیا، خاص طور پر ایشیا کے ساتھ تعلقات کی گہرائی اور یوریشیا میں جغرافیائی اہمیت کے تناظر میں فیصلے کئے گئے
کانفرنس وسطی ایشیا کی قدرتی وسائل سے بھرپور پوزیشن کو عالمی توانائی منڈیوں میں کلیدی کردار دینے پر بات چیت ہوئی۔یورپی یونین نے سبز توانائی، ہائیڈروجن، اور توانائی کی منتقلی کے منصوبوں میں شراکت داری کا اعلان کیااور ٹرانسپورٹ اور بنیادی ڈھانچے پر خصوصی زور دیا گیا تاکہ یورپ اور وسطی ایشیا کے درمیان براہ راست زمینی روابط کو بہتر بنایا جا سکے۔
شرکاء نے دہشت گردی، سائبر حملوں اور منظم جرائم جیسے خطرات پر تشویش کا اظہار کیا اور مشترکہ سیکورٹی فریم ورک بنانے پر اتفاق کیا، تاکہ سرحد پار خطرات کا مؤثر جواب دیا جا سکے اور علاقائی امن کو یقینی بنایا جا سکے۔
یہ سربراہی اجلاس صرف تعاون کی بنیاد نہیں، بلکہ یورپی یونین کی طرف سے وسطی ایشیائی خطے کو ایک خودمختار اور تزویراتی شراکت دار تسلیم کرنے کا اشارہ بھی ہے۔ دونوں فریق اب سالانہ سطح پر باقاعدہ مشاورت جاری رکھنے پر آمادہ ہیں۔
یہ کانفرنس یورپی یونین کی روس اور چین کے اثر و رسوخ کو متوازن کرنے کی کوششوں کا حصہ بھی مانی جا رہی ہے۔ بدلتے ہوئے جیو پولیٹیکل منظرنامے میں وسطی ایشیا کی اہمیت تیزی سے بڑھ رہی ہے، اور یہ شراکت داری مستقبل میں یورپ اور ایشیا کے درمیان اقتصادی و سیاسی پل کا کردار ادا کر سکتی ہے۔
About The Author
