حکومت پاکستان کی خصوصی ہدایت پر پاک فضائیہ کے ایک C-130 طیارے نے ایران کے شہر زاہدان سے 8 پاکستانی شہریوں کی میتوں کو بہاولپور پہنچایا۔
پاک فوج کے شعبہ تعلقات عامہ آئی ایس پی آر کے مطابق بہاولپور سے تعلق رکھنے والے تمام افراد ایران کے صوبہ سیستان بلوچستان میں ایک گھناؤنے دہشت گردانہ حملے کا المناک طور پر شکار ہوئے۔
طبی قانونی طریقہ کار اور ضروری دستاویزات کی تکمیل کے بعد، لاشوں کو زاہدان میں پاکستان کے قونصل جنرل کے حوالے کیا گیا۔ میتوں کو جمعرات کی علی الصبح پاکستان لایا گیا۔
بہاولپور ایئرپورٹ پر سول اور فوجی حکام نے میتوں کو وصول کیا اور سوگوار خاندانوں سے تعزیت کی۔
آئی ایس پی آر کے مطابق پاکستان کی مسلح افواج دکھ کی اس گھڑی میں قوم کے ساتھ کھڑی ہے۔۔پاک فوج ہر قسم کی دہشت گردی کے خلاف اپنے غیر متزلزل عزم کا اعادہ کرتی ہے۔
چیئرمین جوائنٹ چیفس آف اسٹاف کمیٹی اور سروسز چیفس نے قیمتی پاکستانی جانوں کے المناک نقصان پر گہرے دکھ کا اظہار کیا ہے۔
انہوں نے متاثرین کے اہل خانہ سے دلی تعزیت کا اظہار کیا،
اور ان کے لیے اس ناقابل تلافی نقصان کو برداشت کرنے کی طاقت، صبر اور استقامت کی دعا کی
