پاکستان میں نئے اسلامی سال کا چاند نظر آ گیا۔ کل بروز جمعہ یکم محرم الحرام ہے جبکہ یوم عاشور (10محرم الحرام) 6 جولائی کو بروز اتوار ہو گا۔
رویت ہلال کمیٹی نے چاند نظر آنے کی تصدیق کر دی۔
چیئرمین مرکزی رویت ہلال کمیٹی مولانا عبدالخبیر آزاد نے اجلاس کے بعد پریس کانفرنس کے دوران محرم الحرام کا چاند نظر آنے کا اعلان کیا۔
محرم کا چاند نظر آگیا ہے، کل بروز جمعہ 27 جون کو یکم محرم الحرام ہوگا جب کہ 9 محرم الحرام 5 جولائی بروز ہفتہ اور یوم عاشور 10 محرم 6 جولائی بروز اتوار کو ہوگا۔
اس سے قبل، محکمہ موسمیات نے بتایا تھا کہ کوئٹہ میں مطلع گرد آلود ہے، چاند نظر آنے کی امکانات کم ہیں، چاند نظر آنے کا دورانیہ 8 بج کر 10 منٹ سے لے کر 9 بجے تک ہے جب کہ چاند کی عمر 28 گھنٹے 38 منٹ ہے۔
واضح رہے کہ سعودی عرب سمیت دیگر عرب اور خلیجی ممالک میں محرم الحرام کا چاند کل نظر آیا تھا اور ان ممالک میں اسلامی سال 1447 ہجری کا آغاز آج 26 جون سے ہوگیا تھا۔
