ریاض:سعودی عرب کی آبادی 3 کروڑ 53 لاکھ تک پہنچ گئی ہے،مملکت میں مقیم غیرملکیوں کی شرح 44.4 فیصدہے۔اردو نیوز کے مطابق محکمہ شماریات کی جانب سے جاری اعداد وشمار کی رپورٹ میں کہا گیا ہے کہ مملکت کی مجموعی آبادی میں سعودی شہری 55.6 فیصد ہیں جبکہ غیرملکیوں کی شرح 44.4 فیصد ہے۔
رپورٹ کے مطابق مردوں کا تناسب 62.1 فیصد جبکہ خواتین 37.9 فیصد ہیں۔ عمر کے حوالے سے اعداد و شمار میں کہا گیا ہے کہ 74.7 فیصد 15 سے 65 سال کے درمیان ہیں جبکہ 14 سال اور اس سے کم عمر افراد کی شرح 22.5 فیصد ہے، معمرافراد جن کی عمر 65 یا اس سے زائد ہے ان کا تناسب 2.8 فیصد ہے۔
About The Author
