پاکستان اور جنوبی افریقہ کے درمیا ن جاری پہلے ٹیسٹ میچ کا دوسرے روز کا کھیل ختم ہو گیاہے جس دوران جنوبی افریقہ نے پاکستان کی جانب سے بنائے گئے 378 رنز کے جواب میں 6 وکٹوں کے نقصان پر 216 رنز بنا لیئے ہیں تاہم ابھی 162 رنز کا خسارہ باقی ہے ۔
تفصیلات کے مطابق جنوبی افریقہ کی جانب سے کپتان ایڈن مرکرام اور ریان ریکلٹن نے میدان میں اتر کر کھیل کا آغاز کیا ، ایڈن صرف 20 رنز بنانے میں کامیاب ہوئے جبکہ ریان نے 71 رنز کی اننگ کھیلی ، ویان مڈلر 17 رنز بنا سکے ۔ ٹرسٹان سٹبز 8 ، براویس صفر پر آوٹ ہوئے ، ٹونی ڈی زورزی 81 جبکہ سینوران 6 رنز کے ساتھ ناٹ آوٹ ہیں ۔
پاکستان کی جانب سے نعمان علی نے شاندار باولنگ کا مظاہرہ کرتے ہوئے 4 کھلاڑیوں کو پولین کی راہ دکھائی جبکہ ساجد خان اور سلمان آغا نے ایک ایک وکٹ حاصل کی ۔
پاکستان نے گزشتہ روز ٹاس جیت کر پہلے بیٹنگ کا فیصلہ کیا اور کھیل کے دوسرے روز پوری ٹیم 378 رنز بنا کر آوٹ ہو گئی جس میں امام الحق اور سلمان آغا نے 93 ، 93 رنز کی شاندار اننگز کھیلیں لیکن دونوں ہی کھلاڑی سینچری بنانے میں کامیاب نہیں ہو پائے ان کے علاوہ کپتان شان مسعود 76 جبکہ محمد رضوان نے بہترین بیٹنگ کرتے ہوئے 75 رنز بنائے ۔
جنوبی افریقہ کی جانب سے سینوران نے 6 پاکستانی کھلاڑیوں کو پولین کی راہ دکھائی جبکہ پرینیلان نے 2 ، ربادا اور سائمن نے ایک ایک وکٹ حاصل کی ۔
