لاہور میں سعد رضوی سمیت 500 کارکنوں کے خلاف ڈکیتی کا مقدمہ درج کرلیا گیا۔
تشدد احتجاج کے دوران 3 کروڑ روپے کی سپیڈوبس چھیننے کے الزام میں سعد رضوی سمیت 500 کارکنوں کے خلاف ڈکیتی کا مقدمہ درج کرلیا گیا۔
لاہور میں سوشل میڈیا پر انتشار پھیلانے والے افراد کے خلاف کریک ڈاؤن جاری ہے۔ 87 واٹس ایپ اور فیس بک اکاؤنٹس ٹریس کرلیے گئے۔ پرتشدد کارروائیوں پر مختلف تھانوں میں 25 مقدمات درج کرلیے گئے۔ مقدمات میں دہشت گردی ، اقوام قتل ، ڈکیتی سمیت سنگین دفعات شامل کی گئی ہیں۔
پولیس ذرائع کےمطابق گرفتاریوں کے لیے کریک ڈاؤن شیخوپورہ ، گوجرانوالہ ، مریدکے ، قصور اور کامونکی میں کیا گیا۔ سوشل میڈیا پر جھوٹی اور بے بنیاد خبریں شئیر کرنے اور انتشار پھیلانے والے 39 افراد کو گرفتار کیا گیا، 200 سے زاید افراد کی گرفتاری کے لیے کریک ڈاؤن کا اگلا مرحلہ جلد شروع کیا جائے گا۔
دوسری جانب انسداد دہشت گردی عدالت سرکاری اورعوام کی املاک کونقصان پہنچانے کے مقدمے میں پولیس مذہبی جماعت کے گرفتار17کارکنوں کو عدالت پیش کردیا۔ عدالت نے ملزمان کو جسمانی ریمانڈ پر پولیس کے حوالے کردیا۔
About The Author
