سینیٹ سے منظوری کے بعد 27ویں آئینی ترمیم کا بل آج قومی اسمبلی میں بھی پیش کیا جائے گا۔
قومی اسمبلی سیکریٹریٹ نے آج کے اجلاس کا ایجنڈا جاری کردیا ہے،جس کے مطابق 27ویں آئینی ترمیم ایوان زیریں میں پیش کی جائےگی،وزیر قانون سینیٹ سےمنظور 27 ویں آئینی ترمیم کو زیر غور لانے کی تحریک پیش کریں گے،وزیرقانون 27 ویں آئینی ترمیم کوفوری منظورکرنےکی تحریک بھی پیش کریں گے۔
اس کے علاوہ سائبرکرائم میں 35 فیصداضافےسےمتعلق توجہ دلاؤنوٹس بھی ایجنڈے کا حصہ ہے،شہریوں کےواٹس ایپ اورحساس معلومات کی ہیکنگ سےمتعلق توجہ دلاؤنوٹس ایجنڈےمیں شامل ہیں۔
واضح رہےکہ سینیٹ گزشتہ روز 27ویں آئینی ترمیم 64 اراکین کی حمایت سےمنظورکرلی گئی ہے،سپریم کورٹ کا ازخود نوٹس کا اختیارختم،ستائیسویں آئینی ترمیم کے مطابق وفاقی آئینی عدالت بنےگی ،آئینی عدالت پرسپریم کورٹ کے فیصلوں کا اطلاق نہیں ہوگا،ججزکی اہلیت اور تقرری کی شرائط مقرر جوڈیشل کمیشن کی تشکیل نو ہوگی۔
سینیٹ کے بعد ستائیسیوں ترمیم کی قومی اسمبلی سے منظوری پر صدر مملکت اس کی توثیق کریں گے جس کے بعد ستائیسویں آئینی ترمیم فوری نافذالعمل ہوجائے گی۔
