پاکستان سپر لیگ (پی ایس ایل) سیزن 11 کے 25ویں میچ میں اسلام آباد یونائیٹڈ نے کراچی کنگز کے خلاف ٹاس جیت کر پہلے فیلڈنگ کا فیصلہ کیا ہے۔
نیشنل اسٹیڈیم کراچی میں کھیلے جا رہے اس میچ میں اسلام آباد یونائیٹڈ کے کپتان شاداب خان نے ٹاس اپنے نام کیا اور کراچی کنگز کے کپتان معین علی کو پہلے بیٹنگ کی دعوت دی۔ دونوں ٹیمیں ایونٹ میں اہم پوزیشن کے لیے میدان میں اتری ہیں، جہاں یہ مقابلہ پوائنٹس ٹیبل پر اثرانداز ہو سکتا ہے۔
اس سے قبل کھیلے گئے میچ میں حیدرآباد کنگزمین نے راولپنڈیز کو 5 وکٹوں سے شکست دی تھی، جس کے بعد راولپنڈیز کی ٹیم چھ میچز کھیلنے کے باوجود اب تک فتح حاصل کرنے میں ناکام رہی ہے۔
آج کا میچ شائقین کرکٹ کے لیے خاص اہمیت کا حامل ہے کیونکہ دونوں ٹیمیں مضبوط کمبینیشن کے ساتھ میدان میں موجود ہیں اور جیت کے لیے پرعزم دکھائی دے رہی ہیں۔
About The Author
