چین کا امریکا کو سخت پیغام: تائیوان ریڈ لائن ہے، کوئی سمجھوتہ نہیں -

چین کے وزیراعظم نے واضح کیا ہے کہ تائیوان کا معاملہ چین اور امریکا کے تعلقات میں “ریڈ لائن” کی حیثیت رکھتا ہے اور اسے کسی صورت عبور نہیں کیا جا سکتا۔

بیجنگ میں ہونے والی ملاقات میں چینی وزیراعظم نے امریکہ کے سینیٹر اسٹیو ڈینس اور ان کے وفد سے گفتگو کرتے ہوئے کہا کہ تائیوان چین کے بنیادی قومی مفادات اور خودمختاری سے جڑا ہوا حساس ترین مسئلہ ہے۔

انہوں نے زور دیا کہ چین اپنی قومی خودمختاری اور علاقائی سالمیت پر کسی قسم کا سمجھوتہ نہیں کرے گا۔ تاہم ساتھ ہی انہوں نے یہ بھی کہا کہ چین امریکا کے ساتھ مختلف شعبوں میں تعاون جاری رکھنے اور عملی روابط کو مزید وسعت دینے کا خواہاں ہے۔

ملاقات کے دوران چینی قیادت نے دونوں ممالک کے درمیان اقتصادی تعاون اور دیگر عالمی امور پر بھی تبادلہ خیال کیا۔

دوسری جانب امریکی سینیٹر اسٹیو ڈینس نے کہا کہ امریکا اور چین کے درمیان مستحکم تعلقات، اقتصادی تعاون اور پرامن روابط نہ صرف دونوں ممالک بلکہ عالمی معیشت اور خطے کے استحکام کے لیے بھی ضروری ہیں۔