بچے کو بچاتے ہوئے شہری کی کرنٹ لگنے سے ہلاکت، عدالت نے کے الیکٹرک کو غفلت کا مرتکب قرار دے دیا۔
کراچی میں بارش کے دوران بچے کو بچاتے ہوئے شہری کے کرنٹ لگنے سے ہلاکت کے کیس میں سٹی کورٹ نے کے الیکٹرک کو غفلت کا مرتکب قرار دیتے ہوئے ایک کروڑ 35 لاکھ روپے ہرجانہ ادا کرنے کا حکم دے دیا۔
سینیئر سول جج سینٹرل نے فیصلے میں حکم دیا کہ ہرجانے کی رقم 90 روز کے اندر متوفی کے اہلخانہ کو ادا کی جائے۔
عدالت کےمطابق شیخ سعد احمد کا 2019 میں ایک بچےکو بچانےکی کوشش کے دوران کرنٹ لگنے سے انتقال ہوا تھا،درخواست گزار کےوکیل نےمؤقف اختیارکیا کہ کے الیکٹرک بجلی کے نظام کی مناسب دیکھ بھال میں ناکام رہا جبکہ عوامی مقام پر بجلی کے پول میں کرنٹ ہونا ادارے کی غفلت کا واضح ثبوت ہے۔
عدالت نے ریمارکس دیے کہ انسانی جان بچانے کی کوشش کو مکمل غفلت قرار نہیں دیا جا سکتا جبکہ بجلی فراہم کرنے والے ادارے پر عوام کے تحفظ کی غیرمعمولی ذمہ داری عائد ہوتی ہے۔
About The Author
