گلوبل صمود فلوٹیلا کو روکنا اور کارکنوں کی گرفتاری غیر قانونی ہے،ترجمان د فتر خارجہ -

پاکستان نے اسرائیلی فورسز کی جانب سے گلوبل صمود فلوٹیلا کو روکنے کی شدید مذمت کی ہے۔ ترجمان دفتر خارجہ نے جہاز کو روکنا اور سماجی کارکنوں کو حراست میں لینا غیرقانونی قرار دے دیا۔

دفتر خارجہ کے مطابق بین الاقوامی پانیوں میں اس نوعیت کی کارروائی بین الاقوامی قوانین کی کھلی خلاف ورزی ہے۔ حکام کا کہنا ہے کہ گرفتار افراد میں پاکستانی سماجی کارکن سعد ایدھی بھی شامل ہیں جن کے ساتھ مبینہ بدسلوکی کی اطلاعات سامنے آئی ہیں۔

پاکستان نے تمام زیر حراست کارکنوں کی فوری رہائی کا مطالبہ کرتے ہوئے عالمی برادری سے اپیل کی ہے کہ وہ ان افراد کی سلامتی، وقار اور بنیادی حقوق کے تحفظ کو یقینی بنائے۔

دفتر خارجہ کے مطابق پاکستانی سفارتی مشنز کے ذریعے صورتحال کی مسلسل نگرانی کی جا رہی ہے۔ اردن میں پاکستانی مشن سعد ایدھی کی رہائی کیلئے کوششیں کر رہا ہے۔