سپارکو نے سپیس فور کلائمیٹ پورٹل پر کوٹلی ستیاں کے جنگلات کی سیٹلائٹ تفصیلات جاری کر دیں، آگ سے کوٹلی ستیاں کے 25 مقامات پر پھیلا 3 ہزار 37 ہیکڑ پر مشتمل قدرتی جنگل خاکستر ہو گیا۔
سیٹلائٹ تصاویر میں کوٹلی ستیاں میں 7 ہزار 500 ایکڑ سے زائد رقبے پر پھیلے جنگلات میں تباہی ہوئی، 9 مئی سے 29 مئی تک کی سیٹلائٹ تصاویر کے موازنے سے چِیڑ کے قیمتی جنگلات کو شدید نقصان پہنچا۔
کوٹلی ستیاں کی آگ نے مقامی پرندوں اور جنگلی حیات کی افزائش نسل کا سیزن شدید متاثر کیا، جنگل کی آگ سے نئے اُگنے والے پودے اور پنیریاں تباہ، زمین پر نقصان دہ جڑی بوٹیوں کے پھیلنے کا خطرہ پیدا ہو گیا۔
دریائے سندھ اور جہلم کے اہم ذیلی آبی ذخائر کے لیے ضروری ماحولیاتی پٹی کو شدید نقصان پہنچنے کا خطرہ ہے۔
مقامی آبادی اور محکمہ جنگلات نے کئی مقامات پر آگ پر قابو پا لیا، تیز ہواؤں کے باعث اب بھی خطرات برقرار ہیں، ٹمری سے متصل کوٹلی ستیاں کی ڈھلوانوں پر تیز اور گرم ہواؤں کے باعث اب بھی آگ پھیلنے کا سلسلہ جاری ہے۔
About The Author
