راولپنڈی میں آن لائن فحش ویڈیوز کی لائیو اسٹریمنگ کا بڑا نیٹ ورک پکڑا گیا -

راولپنڈی میں آن لائن فحش ویڈیوز کی لائیو اسٹریمنگ کا بڑا نیٹ ورک بے نقاب،پولیس نے ملکی و غیر ملکی ملزمان کو رنگے ہاتھوں گرفتار کر لیا۔

پولیس نے راولپنڈی کے علاقے روات میں بڑی کارروائی کرتے ہوئےآن لائن فحش ویڈیوزبنانے اور لائیو اسٹریمنگ کرنے والے گروہ کو گرفتار کر لیا۔ پولیس کے مطابق کارروائی کےدوران چار مردوں اورسات خواتین کو حراست میں لیا گیا جن میں ایک نائیجیرین شہری بھی شامل ہے،ملزمان ویڈیوز ریکارڈ کرنے کے ساتھ ساتھ موبائل کیمروں کے ذریعے لائیو اسٹریمنگ بھی کر رہے تھے۔

ذرائع کےمطابق ایک غیر ملکی ملزم نے موقع سے فرار ہونے کی کوشش کی تاہم پولیس نے اسےگرفتارکر لیا۔ ملزم کےقبضے سے نائن ایم ایم پستول اور گولیاں بھی برآمد کرلی گئیں،ابتدائی تحقیقات کےمطابق ملزمان فحش ویڈیوزمختلف ویب سائٹس پر اپلوڈ کرتے تھے،روات پولیس نے ملزمان کےخلاف مقدمہ درج کر کے مزیدتفتیش شروع کر دی،جبکہ کیس کا دائرہ کاربڑھانے کے لیےاین سی سی آئی اے سے بھی رابطہ کر لیا گیا ہے۔