بھارت سے شکست کے بعد پاکستان ویمن ٹیم کو ایک اور دھچکا، آئی سی سی نے جرمانہ عائد کر دیا -

ویمنز ٹی20 ورلڈ کپ 2026 کے اپنے پہلے میچ میں بھارت کے ہاتھوں شکست کے بعد پاکستان ویمن کرکٹ ٹیم کو ایک اور دھچکا لگا ہے، جہاں انٹرنیشنل کرکٹ کونسل (ICC) نے قومی ٹیم پر سلو اوور ریٹ کے باعث جرمانہ عائد کر دیا ہے۔

آئی سی سی کی جانب سے جاری بیان کے مطابق پاکستان ویمن ٹیم ایجبسٹن میں کھیلے گئے میچ کے دوران مقررہ وقت میں اپنے اوورز مکمل کرنے میں ناکام رہی اور ایک اوور پیچھے رہی۔ اس خلاف ورزی پر ٹیم پر میچ فیس کا 5 فیصد جرمانہ عائد کیا گیا ہے۔

کرکٹ باڈی کے مطابق ٹیم کی کپتان Fatima Sana نے ضابطہ اخلاق کی خلاف ورزی تسلیم کرتے ہوئے مجوزہ سزا قبول کر لی، جس کے باعث باضابطہ سماعت کی ضرورت پیش نہیں آئی۔

پاکستان ویمن ٹیم کے لیے ورلڈ کپ کا آغاز مایوس کن رہا۔ روایتی حریف India Women’s Cricket Team نے گروپ مرحلے کے اہم میچ میں پاکستان کو 64 رنز سے شکست دی تھی۔ میچ میں پاکستانی ٹیم بیٹنگ اور بولنگ دونوں شعبوں میں خاطر خواہ کارکردگی دکھانے میں ناکام رہی۔

آئی سی سی کے قوانین کے مطابق اگر کوئی ٹیم مقررہ وقت میں اپنے اوورز مکمل نہ کر سکے تو کپتان اور ٹیم کے خلاف جرمانے یا دیگر تادیبی اقدامات کیے جا سکتے ہیں۔ جدید کرکٹ میں سلو اوور ریٹ ایک اہم مسئلہ سمجھا جاتا ہے اور آئی سی سی اس حوالے سے سختی سے قوانین پر عمل درآمد کر رہی ہے۔