سندھ میں موٹر تھرڈ پارٹی انشورنس کے تحت حادثے کے شکار افراد کا معاوضہ بڑھا دیا گیا۔
ایس ای سی پی کے مطابق حادثے کے شکار فرد کا معاوضہ 20 ہزار سے بڑھا کر 7 لاکھ روپے مقرر کیا گیا ہے جو متاثرین کو عدالت کے بغیر اور خودکار نظام کے تحت فوری ملےگا۔
ایس ای سی پی نے بتایا کہ کمرشل گاڑیوں کی انشورنس پالیسیوں میں ریکارڈ 1300 فیصداضافہ ہوا ہے، گاڑیوں کی انشورنس پالیسیاں11ہزار سے بڑھ کر ایک لاکھ 65 ہزار سے تجاوز کرگئی ہیں۔
ایس ای سی پی کا کہنا تھا کہ موٹر انشورنس کا دائرہ کار پنجاب، خیبرپختونخوا، بلوچستان تک بڑھانے کی تیاری کی جارہی ہے۔
اس کے علاوہ ریٹائرڈ افراد کے لیے لائف انشورنس اینیوٹی پروڈکٹس متعارف کروایا جارہاہے۔
ایس ای سی پی کے مطابق فصلوں کی انشورنس کے لیے انشورنس کمپنیوں کا کنسورشیم قائم کیا گیا ہے جب کہ ملک میں تکافل سیکٹر کا شیئر 14 فیصد تک پہنچ گیا جس کیلئے نئی گائیڈ لائنز جاری کردی گئی ہیں۔
About The Author
